کەناڵی ناس کورد لە تێلیگرام جۆین بکە
ناس کورد- محه‌مه‌د جه‌واد زه‌ریف، وه‌زیری ده‌ره‌وه‌ی ئێران ڕایگەیاند، پرۆگرامی مووشه‌كی بالیستی وڵاته‌كه‌ی كڵاوه‌ی ئه‌تۆمی هەڵناگرێت و بڕیارەکانی نه‌ته‌وه یه‌كگرتووه‌كانیش رێگر نین لەبەرهەم هێنانی مووشه‌كی بالیستی. . ڕۆژی پێنجشەممەی ڕابردوو، 6ی حوزەیرانی 2019، لە پاش کۆبوونەوەی ئیمانوێل ماکرۆن، سەرۆکی فەڕەنسا و هاوتا ئەمریکیەکەی دۆناڵد ترەمپ، ماکرۆن ڕایگەیاند، ئەوان لەگەڵ ئەمریکا لەبارەی ئێرانەوە هەڵوێست و ئامانجی هاوبەشیان هەیە و جەختیکردەوە لە ڕێگە گرتن لە دەستخستنی کڵاوەی ئەتۆمی لەلایەن ئێرانەوە. . لە بەرامبەردا محەمەد جەواد زه‌ریف، وەزیری دەرەوەی ئێران له تویتێکدا لە هەژماری تایبەتی خۆی ڕایگەیاندووە: "ویلایەتە یەکگرتووەکان لە ڕێککەوتنی ئەتۆمی کشاوەتەوە و هاوپه‌یمانه‌كانیشی ناوه‌ڕۆكی رێككه‌وتنه‌كه‌یان پشتگوێخستووه كه‌ده‌بوو په‌یوه‌ندییه ئابوورییه‌كانیان له‌گه‌ڵ ئێران ئاسایی بكه‌نه‌وه".
وه‌زیری ده‌ره‌وه‌ی ئێران سەبارەت بە وتەکانی مایك پۆمپیۆ، وه‌زیری ده‌ره‌وه‌ی ئه‌مه‌ریكاش له‌باره‌ی بڕیاری 2231ـی نه‌ته‌وه یه‌كگرتووه‌كان ئاماژەی بەوەکردووە، به‌پێچه‌وانه‌ی وتەکانی ئه‌م دواییه‌ی وه‌زیری ده‌ره‌وه‌ی ئه‌مه‌ریكاوه، ئه‌و بڕیاره‌ی نه‌ته‌وه یه‌كگرتووه‌كان رێگا له ئێران ناگرێت مووشه‌كی بالیستی به‌رهه‌م بهێنێ، به‌ڵكو داوا ده‌كات به‌و جۆره به‌رهه‌م نه‌هێنێرێت كه له توانایدا بێت كڵاوه‌ی ئه‌تۆمی هه‌ڵبگرێت.
.
جەواد زەریف جەختیشیکردووەتەوە، پڕۆگرامی موشەکی بالیستی وڵاتەکەی کڵاوەی ئەتۆمی هەڵناگرێت و ویلایەتە یەکگرتووەکان لە ڕێککەوتننامەی ئەتۆمی کشاوەتەوە و بڕیاری 2231ی نەتەوە یەکگرتووەکانی پێشێل کردووە.
