گه‌ڕان

Shadow Shadow
سیاسه‌تی

تاقیامەت چاوەڕوان بن

’’موچە و وەرگرتنەوەى متمانە’’.. ڕێکاری داهاتووی پەرلەمان بەرانبەر کازم فاروق چی دەبێت؟

2021.04.14 - 15:45
App store icon Play store icon Play store icon
’’موچە و وەرگرتنەوەى متمانە’’.. ڕێکاری داهاتووی پەرلەمان بەرانبەر کازم فاروق چی دەبێت؟

ناس کورد-

تا ئێستا سەرۆکایەتی پەرلەمانی کوردستان رێکارەکانى داهاتووى بەرانبەر  کازم فاروق سەرۆکى فراکسیۆنى نەوەى نوێ دیارینەکردووە، دواى بێبەشکردنى لەدوو دانیشتن بەهۆى پێلاوگرتنە سەرۆکایەتى پەرلەمانەوە.

کەناڵی ناس کورد لە تێلیگرام جۆین بکە   

 

ڕۆژی 31ی ئازاری 2021، کازم فاروق پێڵاوى گرتە ڕێواز فایەق، سەرۆکى پەرلەمان دواى ئەوەى سەرۆکى پەرلەمان نەیهێشت قسەکانى تەواو بکات. هەر دوای ئەو ڕووداوە، پەرلەمانی کوردستان بە دەنگی 73 پەرلەمانتار بڕیاری دا بە سزادانی کازم فاروق بە بێبەشکردنی لە بەشداریی دانیشتنەکان تا داواى لێبوردن دەکات.  

 

جەلال محەمەد، بڕیاردەری لیژنەی یاسایی پەرلەمانی کوردستان (14ی نیسانی 2021) بۆ "ناس کورد" وتی، "بەپێی پەیڕەوی ناوخۆ ڕێککار دیاریکراوە بۆ پەرلەمانتار ئەگەر تاوەکو سێ دانیشتن بەبێ هۆکار بەشداری نەکات ڕێککارەکان چۆن دەبێت لەگەڵی، بەڵام بۆ ئەوەی سەرۆکی فراکسیۆنی نەوەی نوێ نازانین چ ڕێککارێک دەگیرێتەبەر".

 

وتیشى "دیاریکردنی ڕێککارەکان دەبێت لەلایەن سەرۆکایەتی پەرلەمانەوە دیاری بکرێت و بەهۆی ئەوە تاوەکو ئێستا دوو دانیشتن ئامادە نەبووە نازانین چ ڕێککارێکی لەگەڵدا دەگیرێتەبەر".

 

بەپێی پەیڕەوى ناوخۆى پەرلەمان، ئەگەر پەرلەمانتارێک لە سێ دانیشتنى یەک لەدواى یەک ئامادە نەبێت لە یەک وەرزى یاساداناندا، موچەکەى دەبڕدرێت و بە زۆرینەى دەنگ دەتوانرێت متمانەى لێبسەنرێتەوە.

 

سەبارەت بە هەڵوێستی سەرۆکایەتی پەرلەمانی کوردستان "ناس کورد" پەیوەندیکرد بە مونا قەهوەچی سکرتێری پەرلەمانی کوردستان و وتی، "لەسەر ئەو پرسە قسە ناکەم و پەیوەندی بە کەسێکی کەوە بکەن".

 

ناس کورد هەوڵیدا پەیوەندی بە ڕێواز فایەق سەرۆکی پەرلەمانی کوردستان بکات وەڵامی پەیوەندییەکەی نەدایەوە".

 

کازم فاروق ئەمڕۆ چوارشەممە دواى رێگریکردن لێی بۆ بەشدارى لەدانیشتنى پەرلەمان جەختیکردەوە کە بەهیچ شێوەیەک ئامادە نییە داواى لێبوردن بکات و وتى "دەبێت تاقیامەت سەرۆکایەتى پەرلەمان چاوەڕوان بن".