گه‌ڕان

Shadow Shadow
سیاسه‌تی

’’نیگەران مەبن و مەترسن’’

پسپۆڕێک شیکارى بۆ بەرزبوونەوەى دۆلار دەکات: دینارەکانتان مەگۆڕنەوە

2021.04.14 - 10:59
App store icon Play store icon Play store icon
پسپۆڕێک شیکارى بۆ بەرزبوونەوەى دۆلار دەکات: دینارەکانتان مەگۆڕنەوە

ناس کورد-

شارەزایەکى ئابورى پێی وایە شەپۆلى بەرزبوونەوەى نرخى دۆلار هیچ نیگەرانی و ترسێکی ناوێت، بەهۆى پشتیوانى بانکى ناوەندی بۆ بەهاى دینار و ڕەوینەوەى قەیرانى ئابورى.

کەناڵی ناس کورد لە تێلیگرام جۆین بکە   

 

محەمەد حسێن کە شیکەرەوەیەکی ئابورییە و لە ناوەندیی عێراقی بۆ سیاسەتی شیکاری و توێژینەوە کار دەکات لە شیکارێکدا بۆ بەرزبوونەوەى نرخى دۆلار باسى لەوەکردووە، بەرزبوونەوەی دۆلار هیچ نیگەرانی و ترسێکی ناوێت و ئەوەی دۆلاری ناوێت بۆ کاری ڕۆژانەی پێویست ناکات دینارەکانی بگۆڕێتەوە، چونکە بانکی ناوەندی توانای هەیە پشتگیری نرخی دینار بکات.

 

دەشڵێت، ئەو جیاوازیە ڕێژەیی و بچوکەی لەنێوان نرخی فەرمی دینار و نرخی بازاڕدا هەیە (تا ئێستا کەمتر بووە لە 4%) هەروا بە بچوکی دەمێنێتەوە، بە گشتی ئەم جیاوازیەیەش دەگەڕێتەوە بۆ چەند هۆکارێک.

 

ڕزونیشیکردووەتەوە، یەکێک لە هۆکارەکان پەیوەستە بانکە ئەهلییەکان کە هی سیاسییە دەسەڵاتدارەکانن، بازاڕی گۆڕینەوەی دۆلار بە دیناریان قۆرغکردووە و کەی بیانەوێت ئەم بەرزی و نزمیەی نرخی دراو دروست دەکەن تا لەم گۆڕانکاریەکەدا قازانج بکەن.

 

بەوتەى ئەو شارەزایە، ناسەقامگیری نرخی دراو زیانێکی زۆری هەیە بۆ بازاڕو سەرچاوەیەکی گەورەی ترس دروستکردنە لای وەبەرهێنەران؛ دەبێتە هۆی هەڵاوسان کە هەمیشە هەژارەکان و چینی ناوەڕاست باجەکەی دەدەن، موچەخۆران و ئەوانەی کە داهاتێکی سنورداریان هەیە لێی زیانمەند دەبن.

 

دەشڵێت، "لە بەرامبەردا سیاسیە خاوەن-بانکەکان قازانجی لێدەکەن، ئەم سیاسیانە وەک خاوەنی قومارخانەکان وان؛ هەمیشە ئەوان براوەن لە هەموو ئەو یاریانەی بە نرخی دراوەوە دەکرێت چونکە هەر خۆیان چوارچێوەو رێسای گەمەکەیان داڕشتووە".

 

"لە ئێستادا دۆخی ئابوری و دارایی عێراق وەهایە و پێنوێنیەکان هیچ شتێکی نیگەرانکەرمان نیشان نادەن لەبارەی دابەزینی بەهای دینارەوە. قەیرانە ئابوریەکە بەرەو رەوینەوە دەڕوات، بەڵام بە خاوی، بەدڵنیاییەوە بانکی ناوەندی دەیەوێت و دەشتوانێت بەهای دینار لێرەدا رابگرێت. ئەمەش سیاسەتی فەرمی بانکەکەیە"، محەمەد حسێن وادەڵێت.