گه‌ڕان

Shadow Shadow
سیاسه‌تی

ناوەڕۆکى کۆبوونەوەى بەرهەم ساڵح و بەرەی تورکمانی لەسەر دۆخى کەرکوک

2021.04.13 - 14:56
App store icon Play store icon Play store icon
ناوەڕۆکى کۆبوونەوەى بەرهەم ساڵح و بەرەی تورکمانی لەسەر دۆخى کەرکوک

ناس کورد-

 

بەرهەم ساڵح، سەرۆک کۆماری عێراق و  حەسەن تۆران سەرۆکی بەرەی تورکمانی کۆبوونەوە و بە دۆخی ئەمنی و خزمەتگوزاری شاری کەرکوکیان تاوتوێکرد.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى نوسینگەى سەرۆک کۆمار کە وێنەیەکى دەست "ناس کورد" کەوتووە، بەرهەم ساڵح ئەمڕۆ سێشەممە ٢٠٢١/٤/١٣ لە کۆشکی سەلام لە بەغدا پێشوازیکرد لە حەسەن تۆران، سەرۆکی بەرەی تورکمانی و سەبارەت بە دۆخی ئەمنی و خزمەتگوزاری شاری کەرکوک و ئەو کێشانەی رووبەڕووی دانیشتوانەکەی دەبێتەوە و پێویستی بەهێزکردنی ئاسایش و ئارامی کەرکوک و پێکەوەژیانی نێوان پێکهاتەکانی گفتوگۆی لەبارەوەکرا.

 

ئاماژە بەوەشکراوە، لە دیدارەکەدا جەختکرایەوە لەگرنگی بەهێزکردن و پاراستنی پێکەوەژیانی نێوان سەرجەم پێکهاتەکان و چارەسەرکردنی کێشە هەڵپەسێردراوەکانی شاری کەرکوک بە گوێرەی دەستوور و پشتیوانیکردن لە دیالۆگی نێوان پێکهاتەکان و خستنەگەڕی هەموو هەوڵەکان بۆ باشترکردنی دۆخ و گوزەرانی خەڵکی شارەکە و تێپەڕاندنی مەینەتی و ئاستەنگەکان دوور لە پەراوێزخستن و جیاکاری و چارەسەرکردنی کێشەکان بەخواستی خەڵکی رەسەنی شاری کەرکوک.

 

لە بەشێکی دیکەی دیدارەکەدا سەرۆک کۆمار باسی لە پێویستی کۆتایهێنان بە کێشە هەڵپەسێردراوەکان و کەمکردنەوەی مەینەتی کەرکوکییەکان کرد و رایگەیاند کەرکوک شارێکی دەوڵەمەندە بە سەرچاوەی سروشتی و مرۆیی، بۆیە گرنگە گشت سەرچاوە و تواناکان بە ئاڕاستەی خزمەتکردنی خەڵکی رەسەنی کەرکوک بێت، ھەروەھا جەختیشیکردەوە لە پێویستی بەهێزکردنی ئاسایش و سەلامەتی ھاووڵاتیانی کەرکوک و رێگریکردن لە تیرۆریستان و ھەموو ئەوانەی هەڕەشەن بۆ سەر ئارامی شارەکە.