گه‌ڕان

Shadow Shadow
سیاسه‌تی

بڕیاری نوێ

وەرگرتنى ڤاکسین دەکرێتە مەرج بۆ دەوامى فەرمانبەران

2021.04.12 - 21:18
App store icon Play store icon Play store icon
وەرگرتنى ڤاکسین دەکرێتە مەرج بۆ دەوامى فەرمانبەران

ناس کورد-

لیژنه‌ی باڵای ته‌ندروستی و سه‌لامه‌تی نیشتیمانیی عێراق وەرگرتنى ڤاکسین دەکاتە مەرج بۆ دەوامى فەرمانبەرانى فەرمانگە خزمەتگوزارییە جەنجاڵەکان و ئەو هاوڵاتیانەشی کە سەردانیان دەکەن.

کەناڵی ناس کورد لە تێلیگرام جۆین بکە   

 

بەگوێرەی ڕاگەیاندراوێکی  لیژنه‌کە (12ی نیسانی 2021) کە وێنەیەکی دەست "ناس کورد" کەوتووە، لەمەودوا بە هیچ شێوەیەک ڕێگە نادرێت بە فەرمانبەرانی فەرمانگە خزمەتگوزارییە جەنجاڵەکان وەک (فەرمانگەی خانەنشینی، هاتووچۆ، پاسپۆرت وباری شارستانی) دەوام بکەن ئەگەر خۆیان نەکوتن بە ڤایرۆسی کۆرۆنا تاوەکو بەرواری 20ی نیسانی داهاتوو، هەروەها ئەو هاوڵاتیانەشی کە سەردانیان دەکەن.

 

جەختشیکراوەتەوە کە دەبێت هەموو کارمەندانی تەندروستی لەکەرتی گشتی و تایبەتدا ڤاکسینی دژە کۆرۆنا لەخۆیان بدەن، بەپێچەوانەوە ڕێگەیان پێ نادرێت بەردەوامبن لەسەر کارەکانیان، بڕیارەکەش هەموو دەرمانخانەکان و تاقیگەکان و ناوەندە پزیشکییەکان و نەخۆشخانە ئەهلییەکان دەگرێتەوە.

 

بەپێى بڕیارەکان، له ‌مانگی ڕه‌مه‌زانی پیرۆزدا له‌كاتژمێر 8:00ی ئێواره‌ تاوه‌كو 5:00ی به‌یانی قه‌ده‌غه‌ی هاتوچۆ جێبه‌جێده‌كرێت و ڕێگه‌ نادرێت هاوڵاتیان كۆببنه‌وه‌ و به‌پیاده‌ و ئۆتۆمبێل بچنه‌ ده‌ره‌وه‌، هه‌روه‌ها له‌ رۆژانی هه‌ینی و شه‌ممه‌، قه‌ده‌غه‌ی ته‌واوه‌تی هاتوچۆ جێبه‌جێده‌كرێت.

 

هەروەها بڕیاردراوه‌ به‌كه‌مكردنه‌وه‌ی كاتژمێری ده‌وامی فه‌رمانبه‌ران به‌جۆرێك تاوه‌كو كاتژمێر 1:00ی پاشنیوه‌ڕۆ ده‌وام ده‌كه‌ن، رێگه‌ش ده‌ده‌ن به‌ خوێندكارانی قۆناغه‌كانی یه‌ك و دوو و سێی سه‌ره‌تایی و پۆله‌ ناكۆتاكان بگه‌ڕێنه‌وه‌ بۆ ناوه‌نده‌كانی خوێندن.

 

لیژنه‌ی باڵای ته‌ندروستی و سه‌لامه‌تی نیشتمانی ئاماژه‌ی به‌وه‌شكرد، بڕیاری قه‌ده‌غه‌ی هاتوچۆ ده‌رمانخانه‌، دوكانه‌كانی خواردنی رۆژانه‌ی هاوڵاتیان و سه‌وزه‌ و نانه‌واخانه‌كان ناگرێته‌وه‌ و ده‌توانن تاوه‌كو كاتژمێر 7:00ی ئێواره‌ له‌كاركردن به‌رده‌وام بن.

 

 بەگوێرەی بریارەکەی لیژنەی باڵای  تەندروستی وسەلامەتی نیشتیمانیی عێراق، بەهیچ شێوەیەک مۆڵەتی کارکردنی خواردنەگەکان، مۆڵەکان، میوانخانەکان و کارگەکان  نوێ ناکرێتەوە ئەگەر هەموو کارمەندەکانیان بە ڤاکسینی دژە کۆرۆنا نەکوترێن.  

 

 ئاماژە بەوەشکراوە، هیچ یانەیەکی وەرزشی ناتوانێت هیچ یاریزانێک بخاتەریزەکانی خۆیەوە ئەگەر بەڤاکسینی دژە کۆرۆنا خۆی نەکوتابێت، هەروەها دەبێت وەزارەتی پەروردە و خوێندنی باڵا دەست بکەن بەڕێکارەکانی کوتانی کارمەندەکانی .