گه‌ڕان

Shadow Shadow
سیاسه‌تی

وردەکاری بزانە

وەزارەتی شارەوانی و گەشتوگوزار سیستەمی کارکردنی دەگۆرێت

2021.04.12 - 20:00
App store icon Play store icon Play store icon
وەزارەتی شارەوانی و گەشتوگوزار سیستەمی کارکردنی دەگۆرێت

ناس کورد-

وەزارەتی شارەوانی و گەشتوگوزار دەستپێکردنى پڕۆسەى گۆڕینى سیستەمى کارکردنى ڕاگەیاند بەمەبەستى بەرزكردنەوەی ئاستی خزمەتگوزارییەكان و كەمكردنەوەی ڕۆتین.

کەناڵی ناس کورد لە تێلیگرام جۆین بکە   

 

وەزارەتەکە لە ڕاگەیەنراوێکدا کە وێنەیەکی دەست "ناس کورد" کەوتووە (12ی نیسانی 2021) ئاماژەی بەوەکردووە، ئەمڕۆ گفتوگۆ لەسەر چۆنییەتیی دەستپێكردنی پرۆسەی گۆڕینی سیستەمی بەڕێوەبردنی تەقلیدی بۆ شێوازی سیستەمی بەڕێوەبردنی جۆری بەپێی ستانداردی (ISO 9001: 2015) كراوە.

 

ئامانج لەبەکارهێنانى سیستەمەکە، بەرزکردنەوەى ئاستی خزمەتگوزارییەكان، كەمكردنەوەی ڕۆتین، شەفافییەت، دەرخستنی توانای كارمەندانە. لە سیستەمەکەدا هەموو زانیارییەكی تەواوی ئەو شوێنەی سیستەمەكە بەكار دەهێنێت تۆمار دەكرێت و ئاستی كاری هەر بەشێك یان كارمەندێك دەردەخات. 

 

بەپێی راگەیەنراوەکە، سیستەمەکە بنەمایەكە بۆ سیستەمی یەك پەنجەرەیی و حكومەتی ئەلیكترۆنی.

 

ساسان عەونی، وەزیری شارەوانی و گەشتوگوزار دەڵێت، وەك قۆناغی دەستپێك، ئەم سیستەمە لەناو دیوانی وەزارەت، دەستەی گشتیی گەشتوگوزار، بەڕێوەبەرایەتیی گشتیی ئاو و ئاوەڕۆ و سەرۆكایەتیی شارەوانی هەولێر پەیڕەو دەكرێت، لە قۆناغی داهاتوودا پارێزگا و دەڤەرەكانی دیكەش پەیڕەو دەكرێت.

 

وتیشى لە هەفتەی داهاتووەوە دەست بە ڕاهێنان بە كارمەندان لەسەر سیستەمەكە دەكرێت و پاش دەستكردن بە قۆناغی كۆكردنەوە و ئەپدەیتكردنی داتاكان، دەست بە كاری سیستەمەكە دەكرێت.