گه‌ڕان

Shadow Shadow
سیاسه‌تی

لەسەر دۆسیەی قاچاخچێتی

پێنجوێن؛عەلی حەمەساڵح و دابان محەمەد بە بەڵێننامەى کەسى ئازادکران

2021.04.12 - 13:22
App store icon Play store icon Play store icon
پێنجوێن؛عەلی حەمەساڵح و دابان محەمەد بە بەڵێننامەى کەسى ئازادکران

ناس کورد-

هەردوو پەرلەمانتار عەلی حەمەساڵح و دابان محەمەد لەسەر دۆسیەی قاچاخچێتی لە دەروازەی سنوری باشماخ، لەبەردەم دادوەری لێکۆڵینەوەی پێنجوێن ئامادەبوون و بە بەڵێننامەی کەسی ئازادکران ڕۆژی دادگایی کردن.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا دابان محەمەد، ئەندامی پەرلەمانی کوردستان (دووشەممە 12ی نیسانی 2021) ڕایگەیاند، "ئەمڕۆ لەگەڵ عەلی حەمەساڵح وەک تۆمەتبار لەسەر دۆسیەی قاچاخێتی لە باشماخ  لە دادگای پێنجوێن ئامادەبووین بۆ ئەو سکاڵایەی کە گوایە ئێمە لەسەر دۆسیەی قاچاخی ناوزڕاندمان كردوە."

 

ئاماژەی بەوەشکردووە، " لەبەردەم بەڕێز دادوەری لێکۆڵینەوەدا ئامادەبوین، وتەمان لێوەرگیرا و پێداگیریمان لەسەر کۆی ئەو زانیاریانە کردەوە کە لە ڕابردودا باسمان کردوە، وردەکاریمان خستە بەردەم بەڕێز دادوەری لێکۆڵینەوە، پاش ورگرتنی وتەکانمان بە  تەعاھودی کەسی ئازادکراین تا ڕۆژی دادگایی کردن."

 

ئەوەشی خستووەتەڕوو، "قاچاخچێتی بەردەوامە و بووە بە یەکێک لە سیما ناشرینەکانی حوکمڕانی لە کورستان، ئێستا مریشک و ماسی و ئاژەڵ و ھێلکە و نەوت و دوگو خورما و جگەرە و فافۆن و مس و جۆ و ئۆتۆمبیل و چەندان شتی دیکە کاری بەرپرسە قاچاخچیەکانە."

 

لەماوەی ڕابردوودا سەرپەرشتیاری دەروازەی سنوری باشماخ سکاڵای لە دژی ئەو دوو پەرلەمانتارە تۆمارکرد و ڕایگەیاند، تەشهیریان پێ کردوون.