گه‌ڕان

Shadow Shadow
سیاسه‌تی

هی 3000 ساڵ پێش ئێستایە

بەوێنە؛ شارێکی دێرینی فیرعەونەکان لە میسر دۆزرایەوە

2021.04.11 - 08:31
App store icon Play store icon Play store icon
بەوێنە؛ شارێکی دێرینی فیرعەونەکان لە میسر دۆزرایەوە

ناس کورد-

میدیاکانی وڵاتی میسر بڵاویانکردەوە، شارێکی دێرینی ونبووی فیرعەونەکان  لەو وڵاتە دۆزراوەتەوە، کە لە ناوچەیەکی بیابانی کە بەلم داپۆشراوە و مێژووەکەشی دەگەڕێتەوە بۆسێ هەزار ساڵ پێش ئێستا.

کەناڵی ناس کورد لە تێلیگرام جۆین بکە   

 

بەگوێرەی هەواڵێکی میدیاکانی وڵاتی میسر ( 10ی نیسانی 2021) زاهی حواس، شوێنەوارناسی  میسری وجیهانی بە ناوبانگ ئاشکرایکردووە، " شارێکی ونبووی دێرینی فیرعەونەکانیان دۆزیوەتەوە کە مێژووەکەی دەگەرێتەوە بۆ سەردەمی بنەماڵەی پاشای سێهەمی فیرعەونەکان کە پێش زیاتر لە سێ هەزارساڵ پێش ئێستا فەرمانەڕەواییان کردووە".

 

 

حەواس ئاماژەی بەوەکردووە، "شارەکە لەژێر ناوچەیەکی لماوی وڵاتەکەیدا دۆزراوەتەوە، هاوکات چەندین کەلوپەل و کەرەستەی ئاڵتونی دەستی فیرعەونەکان دۆزراونەتەوە کە سەرجەمیان وەک خۆی ماونەتەوە بەبێ ئەوەی هیچ گۆڕان و تێکچونێک تێیدا ڕووی دابێت، بەوهۆیەوە وەک شاری ئاڵتونی ناویان بردووە".

 

 

ڕوونیشکردووەتەوە، " دیوارەکانی بەشێوەی نیمچە تەواو ماونەتەوە و ژورەکانیشی وەک خۆی بەپێوە ماونەتەوە، جگەلەوەی هەموو ئەو کەلوپەلانەی لەو سەردەمەدا بەکاریانهێناوە بەبێ هیچ گۆڕانکارییەک لەشوێنی خۆیاندا بوون،  ئەو شارە بە دووەم گەورەترین دۆزینەوەی شوێنەوارەکانی فیرعەونەکان هەژماردەکرێت لەدوای ئاشکراکردنی گۆڕی توت عەنخ ئامون لە سالی 1922 ".

 

 

شوێنەوارناسە میسرییەکە ئەوەشی ڕوونکردووەتەوە، " تیمێکی شوێنەوارناسی گەورە لەمیسر بەشداریان لەو دۆزینەوەیەدا کردوە، شارەکە لە بیایانەکانی  شاری لوقسەر لە باشوریی ئەووڵاتەدا دۆزراوەتەوە".