گه‌ڕان

Shadow Shadow
سیاسه‌تی

وردەکاریی

پەرلەمانتارێک: بەرپرسانی هەرێم شاردیانەوە ڕێککەوتنەکە بۆ موچەی فەرمانبەران نەبوو

2021.04.10 - 17:59
App store icon Play store icon Play store icon
پەرلەمانتارێک: بەرپرسانی هەرێم شاردیانەوە ڕێککەوتنەکە بۆ موچەی فەرمانبەران نەبوو

ناس کورد-

عەلی حەمەساڵح، ئەندامی پەرلەمانی کوردستان ڕایگەیاند، بەرپرسانی ڕاستییەکانیان لە خەڵک شاردەوە و ڕێککەوتنی هەرێم و بە‌غدا بۆ موچە و بەرژەوەندی فەرمانبەران نەبوو، بەڵکو بۆ سیاسەتی پارتی بووە بۆ بەردەوامی فرۆشتنی نەوت و دەشڵێت، بەغدا مانگانە 800 ملیار دەنێرێت، بەڵام هەرێم دەبێت 824 ملیار بداتە بەغدا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا عەلی حەمەساڵح (شەممە 10ی نیسانی 2021) ڕایگەیاند، " ئەمە ئەو ڕاستیەیە ھەموو بەرپرسان لە خەڵکیان شاردەوە، ڕێککەوتنی بودجە بۆ موچە و بەرژەوەندی فەرمانبەران نەبوو، بەڵکو لە پێناو ئەوەبوو کارتێکی یاسایی بەدەست ھەرێم بێت بۆ سەربەخۆ فرۆشتنی نەوت."

 

ئاماژەی بەوەشکردووە،  ئەو پارەی ھەرێم مانگانە دەبێت بیداتە بەغدا زیاترە لەوەی بەغدا دەینیرێت بۆ هەرێم و ئەو پارەی دەدرێتە ھەرێم نزیکە 800 ملیارە، بەڵام ھەرێم دەبێت 824 ملیار بداتە بەغدا."

 

ڕوونیشکردووەتەوە، " پارەی 250 ھەزار بەرمیل نەوتی ڕۆژانە بەنرخی سۆمۆ مانگی پێشوو 63 دۆلار بووە بۆ بەرمیلێک،  دەکاتە 685 ملیار، نیوەی داھاتە فیدڕاڵیەکان نزیکەی 80 ملیار دینارە، ھەرێم نزیکەی پێنج ترلیۆنی بانکە بازرگانیەکانی لە ئەستۆیە و بە حەوت ساڵ دەیداتەوە و مانگی 59 ملیار دەکات."

 

عەلی حەمەساڵح دەشڵێت، "ھەرکەس دەڵێ وانیە با بە داتا وەڵام بداتەوە."

 

ئاماژەی بەوەشکردووە، "کاتێک دەمانوت ئەم ڕێککەوتنە بۆ بودجەو موچە نەکراوە تەنیا لە پێناوی ئەوەدا بووە یاسای بودجە ڕێگا بدات ھەرێم نەوت بفرۆشێت سەدان جنێو تۆمەت و بوختانیان کرد."

 

باسی لەوەشکردووە، "پارتی، ئەوەی لاگرنگ بوو دەستی کەوت، بەڵام یەکێتی و گۆڕان سەرۆک و زۆرینەی وەفدی دانوستانکار بوون، وتیان، لە پێناوی موچەی خەڵک دانوستان دەکەین و ئامادەین لەم پێناوە سەدان جاری دیکە بچینە بەغدا."

 

دەشڵێت، "دەیان بەیاننامە لەلایەن ئەو سیاسی و بەرپرسانەوە دەرکرا، کە ھیچ لە بودجەکە نەگەشتبون دەیان وت دەستکەوتە بۆ ئێمە! سەرکەوتنمان بەدەست ھێنا، کام سەرکەوتن خۆ ئەگەر ئەمە دەستکەوت بێت دەبێت بڕینی موچە لابدا."

 

ئاماژەی بەوەشکردوو، "بڕوانن ھیچ کام لە بەرپرسان ئامادەن بڵێن بەغدا چەند پارە دەنێرێت، نا چونکە دەزانن ڕێککەوتنەکە بۆ پارە نیە، ئەم مانگەو مانگی دواتر ڕاستی ئەم قسانە دەردەکەوێت."