ناس کورد-
لیژنەى نەوت و وزە لەپەرلەمانى عێراق ڕایدەگەیەنێت، نرخى بەنزینى نۆرماڵ و موحەسەن وەکو خۆیان دەمێننەوە و پێشنیارى زیادکردنى نرخەکەش ڕەتکراوەتەوە.
کەناڵی ناس کورد لە تێلیگرام جۆین بکە
بەهادین نورى، ئەندامى لیژنەى نەوت و وزە لەپەرلەمانى عێراق (9ى نیسانى 2021) لەلێدوانێکیدا بۆ ئاژانسى هەواڵى عێراق کە "ناس کورد" بەدواداچوونى بۆ کردووە ڕایگەیاند، لیژنەکەیان لەپەیوەندیدایە لەگەڵ وەزارەتى نەوت و ڕەتى کردووەتەوە نرخى لیترێک بەنزین لە 450 دینارەوە بکرێتە 500 دینار و ئەو پێشنیارەش لەلایەن لیژنەکەیان و وەزارەتیشەوە ڕەتکراوەتەوە.
ئاماژەى بۆ ئەوەش کردووە، باج لەسەر بەنزینى هاوردە کراوە پێشتریش لەبودجەکاندا هەبووە و ئەو باجەش نرخەکانى بەنزین زیاد ناکات.
نورى جەختى لەسەر ئەوەش کردووەتەوە، نرخى بەنزینى نۆرماڵ و موحەسەنیش وەکو خۆیان دەمێنن و زیاد ناکەن.
