گه‌ڕان

Shadow Shadow
سیاسه‌تی

ملياردێرێکى ئەمريكى دەیەوێت دايناسۆر زيندوو بكاتەوە

2021.04.08 - 23:46
App store icon Play store icon Play store icon
ملياردێرێکى ئەمريكى دەیەوێت دايناسۆر زيندوو بكاتەوە

ناس کورد-

 

خواستەكانى ئيلۆن مەسك ملياردێرى ئەمريكى و كۆمپانياكانى سنورى تێپەڕاندووە و بەردەوام لێدوانى سەير و نامۆ دەكات، ئەوەش بەڕێوەبەرى كۆمپانياكانيشى گرتووەتەوە و يەكێك لەو بەڕێوەبەرانە دەڵێت، دەتوانين دووبارە دايناسۆرەكان زيندوو بكەنەوە.

کەناڵی ناس کورد لە تێلیگرام جۆین بکە   

 

ماكس هوداك بەڕێوەبەرى كۆمپانياى "نيورالينك" كە ئيلۆن مەسك خاوەنيەتى پێنجشەممە (8ى نيسانى 2021) لە تۆڕى كۆمەڵايەتى تويتەر بڵاويكردووەتەوە، لەوانەيە بتوانن باخچەيەكى دايناسۆر دروست ئەگەر بیانەوێت.

 

ئاماژەى بەوەشداوە، دايناسۆرەكان لە ڕووى بۆماوەييەوە ديناسۆڕى ڕەسەن نابن، بەڵام دەتوانرێت بە 15 ساڵ بەخێوكردن و ئەندازيارى بۆماوەيى جۆرى نوێ و سەيرى دايناسۆر بەدەست بهێنن.

 

لاى خۆيەوە ماڵپەڕى "سى نێت" لە ڕاپۆرتێكدا بڵاويكردووەتەوە، بەهەر شێوەيەك بێت گەڕاندنەوەى دايناسۆرى مردوو و دوبارە زيندوكردنەوەى ڕێى تێناچێت، ئەگەر بتوانرێت شتێكى لەو جۆرەش بكرێت ئەوا زۆر سەختە و پڕە لە ئاستەنگى.

 

بەپێى ڕاپۆرتەكە، سەرەتا پێويستى بە DNA دايناسۆڕە، ئەوەش جياوازە لەوەى كە فيلمى "جوراسيك پارك"دا دەيبينين، ئەگەر لە فيلمدا بتوانرێت DNAى مێشولە و بۆق تێكەڵ بكرێت، ئەوا لە جيهانى ڕاستيدا ئەوە جياوازە، هەروەها چەندين شتى باشتر لە دايناسۆر هەيە كە زيندوو بكرێتەوە، وەك "ماموس" كە ئێستا نەماون و دەتوانين DNA ئەو گياندارە بهێنين و لە فيلێكى تازە لەدايكبودا بيچێنين.