گه‌ڕان

Shadow Shadow
سیاسه‌تی

سێیەم هاوسەرگیرى..گۆرانیبێژێکى دیار ’’بەنهێنى شوى بە پەرلەمانتارێک کردووە’’

2021.04.08 - 22:21
App store icon Play store icon Play store icon
سێیەم هاوسەرگیرى..گۆرانیبێژێکى دیار ’’بەنهێنى شوى بە پەرلەمانتارێک کردووە’’

ناس کورد-

 

گۆرانيبێژى ديارى سورى "ئەسالە نەسرى" هاوسەرگيرى لەگەڵ پەرلەمانتارێكى ميسرى كردووە بە نهێنى و بڕيارە ڕۆژى هەينى هاوسەرگيريەكە ئاشكرا بكرێت، دەزگا ڕاگەياندنەكانى ميسريش ناو و پرۆفايلى پەرلەمانتارەكەيان ئاشكرا كردووە.

 

کەناڵی ناس کورد لە تێلیگرام جۆین بکە   

 

ماڵپەڕى "المصري اليوم" پێنجشەممە (8ى نيسانى 2021) بڵاويكردووەتەوە، دواى بڵاوبونەوەى دەنگۆى هاوسەرگيرى ئەسالە نەسرى لەگەڵ ئەندامێكى پەرلەمانى ميسر بە نهێنى ئەو هونەرمەندە و پەرلەمانتارەكەش ڕەتيدەكەنەوە بە هيچ شێوەيەك قسەى لەسەر بكەن.

 

ئەوەش هاتووە، ئەمە سێيەم هاوسەرگيرى ئەسالەيە و لە هاوسەرى يەكەمى كە "ئەيمن زەهەبى" بو كوڕ و كچێكى هەيە بە ناوەكانى "خاليد و شام" و لە هاوسەرى دووەميشى كە دەرهێنەر "تارق عەريان" بوو دوانەيەكى كوڕى هەيە بە ناوەكانى "ئادەم و عەلى".

 

ماڵپەڕەكە ئاماژەى بەوەشداوە، بڕيارە هەينى هاوسەرگيريەكەيان ئاشكرا بكەن و كۆتايى بە دەنگۆ و گومانەكان بهێندرێت.

 

 ئاشکراشیکردووە، هاوسەرە یەئەسالە ناوى "ئەحمەد عەبدولمەجيد"ە و پەرلەمانتارى سەربە پارێزگاى ئەسكەندەريەيە لە حزبى "داهاتووى نيشتيمان" كە حزبى زۆرينەى ميسرە، 3 ساڵ لە ئەسالە گەنجترە و هاوسەر و منداڵێكيشى هەيە، بەوەش ئەسالە دەبێت بە ژنى دووەمى.

 

بەپێى زانياريەكان، ئەو پەرلەمانتارە بڕوانامەى بەكالۆريۆسى لە بازرگانى هەيە و لەساڵى 2000 تەواوى كردووە، دواتر قۆناغەكانى ماجستێرى لە ئەكاديمى عەرەبيە بۆ زانست و تەكنەلۆژيان بەدەستهێناوە، هەروەها لە ساڵى 2019يش دكتۆراى لە سەركردايەتى كار لە هەمان ئەكاديمى بەدەستهێناوە.