گه‌ڕان

Shadow Shadow
سیاسه‌تی

’’حەمرین بەرەو خۆرئاواى هەولێر’’..وردەکاریی هێرشێکى گەورەى هێزى ئاسمانى شاهانەى بەریتانیا

2021.04.08 - 20:41
App store icon Play store icon Play store icon
’’حەمرین بەرەو خۆرئاواى هەولێر’’..وردەکاریی هێرشێکى گەورەى هێزى ئاسمانى شاهانەى بەریتانیا

ناس کورد-

 

وەزارەتى بەرگرى بەریتانیا ئاشکرایکرد، مانگى ڕابردوو لە پارێزگاى نەینەوا لە ڕێگەى سێ فڕۆکەى شەڕکەرى هێزى ئاسمانى شاهانەى بەریتانیا چەند هێرشێکیان بۆ سەر پێگەکانى ڕێکخراوى داعش ئەنجامداوە.

کەناڵی ناس کورد لە تێلیگرام جۆین بکە   

 

وەزارەتەکە (8ى نیسانى 2021) بڵاویکردووەتەوە، مانگى ڕابردوو فڕۆکەکانى هێزى ئاسمانى شاهانەى بەریتانیا لە جۆرى تایفۆن چەند هێرشێکیان بۆ سەر مۆڵگەکانى ڕێکخراوى داعش لە بەرزاییەکانى مەخمور لە پارێزگاى نەینەوا ئەنجامداوە، ئەویش لە ڕێگەى موشەکى جۆرى "ستۆرم شادۆ".

 

ئەوەش هاتووە، پرۆژەکە بە هەماهەنگى بووە لەگەڵ هێزى زەمینى عێراق و 10 ڕۆژى خایاندووە، دواتر هێزەکانى عێراق چەکدارانى داعشیان لە ناوچەى چیاى حەمرین بەرەو باشورى خۆرئاواى هەولێر ڕاوەدوناوە، هەروەها فڕۆکەکانى بەریتانیا لەکاتى پرۆسەکەدا ژمارەیەک هێرشیان ئەنجامداوە.

 

وەزارەتى بەرگرى بەریتانیا جەختیلەوەشکردووەتەوە، هێرشەکە دواى دڵنیابونەوە بووە لەوەى چەکدارانى داعش لە تۆڕێک ئەشکەوت لە زنجیرە چیاکانى مەخموردان و دڵنیاش بوونەتەوە لە سەرکەوتوویى هێرشەکان.

 

لاى خۆیەوە بێن واڵاس وەزیرى بەرگرى بەریتانیا ئاماژەى بەوەداوە، هێزە چەکدارەکانى بەریتانیا بەردەوام دەبن لەگەڵ هاوبەشە عێراقیەکاندا بۆ لەناوبردنى چەکدارانى داعش لەو ناوچانەى خۆیان دەشارنەوە و بەریتانیا پابەندە بە شکستهێنان بەو ڕێکخراوە.