گه‌ڕان

Shadow Shadow
سیاسه‌تی

لەگەڵ چەند لایەن کۆبووەتەوە؟

گۆڕان بۆ هەڵبژاردنی پەرلەمانی عێراق لەگەڵ کێ هاوپەیمانیی دەکات؟

2021.04.08 - 13:43
App store icon Play store icon Play store icon
گۆڕان بۆ هەڵبژاردنی پەرلەمانی عێراق لەگەڵ کێ هاوپەیمانیی دەکات؟

ناس کورد-

لە هەفتەی داهاتووەوە بزوتنەوەی گۆڕان بۆ ئەنجامدانی هاوپەیمانی گفتوگۆکانی چڕدەکاتەوە و  سەرپەرشتیاری ژووری هەڵبژاردنی حزبەکەش ئاشکرایدەکات، لەگەڵ یەکێتی، کۆمەڵی دادگەری و یەکگرتوو گفتوگۆ کراوە، بەڵام تا ئێستا وردەکاری چۆنێتی هاوپەیمانیکردن باس نەکراوە.

کەناڵی ناس کورد لە تێلیگرام جۆین بکە   

 

یاسین حەمەعەلی، سەرپەرشتیاری ژووری هەڵبژاردنی بزوتنەوەی گۆڕان لە لێدوانێکدا بۆ "ناس کورد" (8ی نیسانی 2021) ڕایگەیاند،  بزوتنەوەی گۆڕان تاوەکو ئێستا گفتوگۆی لەگەڵ چەند لایەنێک کردووە بەمەبەستی هاوپەیمانی بۆ هەڵبژاردنی پێوەختەی پەرلەمانی عێراق، بەڵام باس لە وەردەکاری هاوپەیمانی نەکراوە و چاوەڕواندەکرێت لە هەفتەی داهاتوو گفتوگۆکان چڕتر بکرێتەوە.

 

باسی لەوەشکرد، لەگەڵ لایەنەکانی یەکێتی، کۆمەلی دادگەری و یەکگرتووی ئیسلامی لەسەر ئاستی ناوخۆی هەرێمی کوردستان گفتوگۆکراوە و لە ناوچە دابڕینراوەکانیش سەرجەم لایەنەکانی هەرێمی کوردستان گفتوگۆ و دانیشتنیان کردووە.

 

سەبارەت بە دیاریکردنی کاندیدەکانی گۆڕان بۆ هەڵبژاردنی پەرلەمانی عێراق، وتی، "ماوەیەکە چەند ناوێک بڵاودەکرێنەوە گوایە کاندیدی گۆڕانن بۆ هەڵبژاردنی پەرلەمانی عێراق، بەڵام تاوەکو ئێستا بۆ ئەوەش تەنها گفتوگۆکراوە و کاندیدەکان بەفەرمی دیاری نەکراون، هەرکات کاندیدەکان یەکلایی کرایەوە گۆڕان بەفەرمی ناوەکان ئاشکرادەکات".