گه‌ڕان

Shadow Shadow
سیاسه‌تی

لە ئەوروپاوە

هەڵمەتێك بۆ بەخشینی نۆبڵ بە سیستانی و پاپا رێكدەخرێت

2021.04.08 - 12:57
App store icon Play store icon Play store icon
هەڵمەتێك بۆ بەخشینی نۆبڵ بە سیستانی و پاپا رێكدەخرێت

ناس كورد_

كۆمەلێك چالاكی عێراقی لە تاراوگە هەڵمەتێكیان رێكخستوە بۆ پاڵاوتنی گەورە مەرجەعی شیعە ئایەتوڵڵا عەلی سیستانی و پاپای ڤاتیكان بۆ خەڵاتی نۆبڵی ئاشتی لە ساڵی 2021 بەهۆی دیداری دوو قۆڵی ئەم دوو جەمسەرە ئاینییەوە لە شاری نەجەف. 

 

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتی رۆژنامەی فەرمی عێراق (8 نیسانی 2021) ئەم هەڵمەتە كە لەناو عێراقییەكانی ئەوروپا ڕێكخراوە لێكەوتە ئەرێنییەكانی دیداری پاپا و سیستانی لە شاری نەجەف كردووەتە تەوەرە كە بەشێوازی سەركەوتوو بەرێوەچووە. 

 

رۆژنامەكە باسی لەوەشكردووە ئەم كەمپینە كاریگەریی دەبێت لەدیارخستنی رۆڵی ئەم دوو مەرجەعە مەسیحی و ئیسلامییە شیعەیە لە بەرقەراركردنی ئاشتی لە رۆژهەڵاتی ناوەڕاست و رێكخەرانیشی بەنیازن بانگهێشتی ڕۆشنبیرانی ئەوروپا و جیهان بكەن بۆ پاڵپشتی كردنیان. 

نۆبڵ باڵاترین خەڵات و رێزلێنانی جیهانییە، لەسەر راسپاردەی داهێنەری دینامیت (TNT) ئەلفرێد دینامیتی سویدی دامەزراوە، ساڵانە لە شەش بواردا دەبەخشرێتە كەسایەتییە ناودارەكانی بواری فیزیا، كیمیا، پزیشكی، ئەدەب، ئابووری و ئاشتی. 

 

ماڵپەڕی فەرمی ڤاتیكان بڵاویكردەوە (8 ئازاری 2021)، لەسەر دیداری ئایەتوڵڵا سیستانی، پاپا هەڵوێستەی كردووە و بەكاریگەر ناوی بردووە، باسی لەوەشكردووە لەپەنا حەج و تەوبەدا هەستی كردووە پێویستە پیاوێكی حەكیم ببینێت كە "پیاوی خودا" یە، ئەویش بەرێزەوە لەگەڵیدا مامەڵەی كردووە.  

بەپێى ڕاپۆرتێکى نیویۆرک تایمز  (10 ى ئادارى 2021)، پاپا لە گەڕانەوەیدا بۆ ڤاتیکان لە وەڵامى ڕۆژنامەنوساندا وتبووی، سەردانەکەى بۆ پتەوکردنى پەیوەندى نێوان ئاینەکان بووە نەک پەیامێک بۆ مەرجەعە شیعە توندڕەوەکانى ئێران.  

  

پاپا لە وەسفى سیستانیدا کە لە سەردانەکەیدا دیدارێکى کورتى لەگەڵدا ئەنجامدا لە نەجەف وتوویەتى، پیاوێکى ئاینى پێی وتووە بۆماوەى 10 ساڵە سیستانى خەڵکانێکى زۆر کەم دەبینێت و پیاوێکى حەکیم و مەزن و پیاوى خودایە.  

  

پاپا دیدارەکەى لەگەڵ سیستانیدا بەدیدارێکى باشى ڕۆحیى وەسف کردووە.  

  

جۆ بایدن لە ڕاگەیەنراوێکدا (8ی ئازاری 2021) دەڵێت، "بینینی سەردانی پاپا فرانسیس بۆ جێگا دێرینە ئایینییەکان، لە ناویاندا شوێنی لەدایکبوونی پێغەمبەر ئیبراهیم، کۆبوونەوە لەگەڵ ئایەتوڵا عەلی سیستانی لە نەجەف و بەجێگەیاندنی نوێژ لە موسڵ کە چەند ساڵێک لەمەوپێش بە دەستی خراپەکاری و دەمارگیریی ئاینیی گروپی داعشەوە دەیناڵاند، سومبولی هیوایە بۆ تەواوی جیهان".