گه‌ڕان

Shadow Shadow
سیاسه‌تی

زانیاریی زیاتر

لەسەر قەدەغەی هاتوچۆ ڕوونکردنەوە دەدرێت

2021.04.08 - 11:27
App store icon Play store icon Play store icon
لەسەر قەدەغەی هاتوچۆ ڕوونکردنەوە دەدرێت

ناس کورد-

ژوری ئۆپەراسیۆنەکانی پارێزگاری هەولێر لەسەر جێبەجێکردنی ڕێنماییەکانی وەزارەتی ناوخۆ تایبەت بە قەدەغەی نیمچەیی هاتوچۆ کۆبوونەوەی کردو پارێزگاری شارەکەش دەڵێت، "لەکاتژمێر 6ەوە ئامادەکاری دەستپێدەکات و لەکاتژمێر 8 قەدەغەی هاتوچۆ جێبەجێ دەکریت".

کەناڵی ناس کورد لە تێلیگرام جۆین بکە   

 

ئومێد خۆشناو، پارێزگاری هەولێر لە میانی کۆنگرەیەکی ڕۆژنامەوانیدا کە "ناس کورد" بینەری بوو (8ی نیسانی 2021) ڕایگەیاند، هەرچەندە پێشتر داوامان دەکرد هاووڵاتیان پابەندی رێنماییەکان بن تاوەکو دۆخی کۆرۆنا لەوە زیاتر نەبێت بەڵام بەداخەوە پابەند نەبوون لە هەندێک شوێن وایکرد ڕۆژانە ژمارەی توشبووانی کۆرۆنا ڕووی لە هەڵکشان کردو بەوەش بە ناچاری و بەبێ خواستی خۆمان لە سەرتاسەری هەرێمی کوردستان نیمچە قەدەغەی هاتوچۆ لە کاتژمێر 8ی شەو تاوەکو 6ی بەیانی ڕادەگەیەنرێت و بۆ ئەوەش داوادەکەین هاووڵاتیان پابەندی بڕیارەکان بن.

 

باسی لەوەشکرد، لەلایەک خەمی بژێوی هاووڵاتیانمانەو لە لایەکی دیکەش خەمی پاراستنی تەندروستیمانە، بەدڵنیاییەوە حکومەت پاراستنی تەندروستی هاووڵاتیان بەگرنگتر دەزانێت و بۆ ئەوەش قەدەغەی نیمچەیی هاتوچۆ ڕاگەیەنراوەو داوادەکەین هەمووان پابەندی بڕیارەکە بن.

 

ئاشکراشیکرد، لە ژوری  ئۆپەراسیۆنەکانی هەولێر کۆبوونەوە لەبارەی بڕیارەکانی وەزارەتی ناوخۆ کراوەو ئامادەکاری تەواو کراوەو هێزەکانی پێشمەرگە، زێرەڤانی، پۆلیس، ئاسایش و پۆلیسی هاتوچۆ شوێنەکانیان دیاریکراوەو لەکاتژمیر 6ی ئەم ئێوارە دەستپێدەکات و لە کاتژمێر 8ی ئەم شەو پابەندی قەدەغەی هاتوچۆ دەبین و بۆ ئەوەش داوادەکەین هاووڵاتیان پابەندی ڕێنماییەکان بن و بۆ ئەوەش بازگەکان ئاگادار کراون لە کاتژمێر 8ەوە ڕێگە بە هاتوچۆ نەدرێت.

 

پارێزگاری هەولێر داوای لە هاووڵاتیان کرد پابەندی ڕێنماییەکان بن و هیواشی خواست، لەماوەی ئەو ڕۆژانەی قەدەغەی نیمچەیی هاتوچۆ ڕادەگەیەنرێت ژمارەی توشبووان و گیانلەدەستدان بە کۆرۆنا کەمبکاتەوە تاوەکو بۆ مانگی ڕەمەزان رێککارەکان ئاسایی بکرێتەوەو هاووڵاتیان بتوانن ژیانی ئاسایی خۆیان بکەن.