گه‌ڕان

Shadow Shadow
سیاسه‌تی

وردەکاریى

كۆمەڵێك چەكدار بەناوی حەشدەوە هەڵیانكوتایەسەر فەرمانگەیەكی موسڵ و پشێویان دروستكرد

2021.04.07 - 19:52
App store icon Play store icon Play store icon
كۆمەڵێك چەكدار بەناوی حەشدەوە هەڵیانكوتایەسەر فەرمانگەیەكی موسڵ و پشێویان دروستكرد

ناس کورد- 

دەستەى حەشدى شەعبى ئاشکرای دەکات، ژمارەیەک چەکدار کە گوایە سەربە حەشدن هەڵیانکوتاوەتە سەر فەرمانگەیەک لە شارى موسڵ، جەختلەوەدەکەنەوە کە دەستى هەرکەس دەبڕن کە خۆى وەک حەشد دەناسێنێت و هەوڵى شێواندنى ناوبانگى دەدات.

 

کەناڵی ناس کورد لە تێلیگرام جۆین بکە   

 

حەشى شەعبى (چوارشەممە، 7ى نیسانى 2021) لە ڕوونکردنەوەیەکدا بڵاویکردووەتەوە، گروپێک کە خۆیان بەوە ناساندووە کە سەربە حەشدى شەعبین، هەڵیانکوتاوەتە سەر فەرمانگەى قەرەبووکردنەوە لە شارى موسڵ.

 

ڕونیشکراوەتەوە، ئەو گروپە شەڕ و ئاژاوەیان ناوەتەوە لەناو تەلارەکەدا و دواتر بەڕێوەبەرایەتى ئاسایشى حەشد دەستگیرى کردوون، تائێستا لێکۆڵینەوەکان بەردەوامن و دواتر زانیارى زیاتر بڵاودەکرێتەوە.

 

حەشدى شەعبى جەختیلەوەشکردووەتەوە، هاوڵاتیان ئاگادار دەکەینەوە لەوەى کە دەستى هەرکەس دەبڕن کە هەوڵى ئەوە دەدات سیفەتى حەشد بداتە پاڵ خۆى و هەوڵى شێواندنى ناوبانگى بدات، بەتایبەتى لە شارە ئازادکراوەکاندا، کە تێیاندا حەشد خزمەتى گەورەى مەدەنى پێشکەش دەکات.