گه‌ڕان

Shadow Shadow
سیاسه‌تی

’’’200 ملیۆن دۆلار’’

’’13 ساڵە چوار هەزار و 500 یەکەی نیشەجێبوون تەواونەکراون’’

2021.04.06 - 17:01
App store icon Play store icon Play store icon
’’13 ساڵە چوار هەزار و 500 یەکەی نیشەجێبوون تەواونەکراون’’

ناس کورد-

ئەندامێکی ئەنجومەنی پارێزگای سلێمانی ڕایگەیاند، حکومەتی هەرێم 200 ملیۆن دۆلاری بۆ 4500 یەکەی نیشتەجێبوون تەرخانکردووە کە بۆ هەژاران و کرێنشینان دروستدەکرێن، بەڵام تائێستا تەواونەکراون و بەهەردان لە پارەکەدا کراوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ڕەمەزان نامیق، ئەندامی ئەنجومەنی پارێزگای سلێمانی (سێشەممە 6ی نیسانی 2021) ڕایگەیاند، " لەسنوری پارێزگای سلێمانی و هەڵەبجە و ئیدارەکانی گەرمیان و ڕاپەڕین زیاتر لە چوار هەزار و 500 یەکەی نیشتەجێبون هەیە کە بۆ هەژاران و کرێنشینان دروست دەکرێن لەژێر سەرپەرشتی وەزارەتی ئاوەدانکردنەوە ."

 

ئاماژەی بەوەشکردووە، "لەساڵی 2008 هەتا ئێستا حکومەت زیاتر لە 200 ملیۆن دۆلاری بۆ خەرج کردوون، بەڵام هێشتا تەواونەکراون تەنها چەند یەکەیەکی کەمیان نەبێت تەواوبووە، بەشێکیان هەیکەلە و بەشێکی تریان خزمەتگوزارییان بۆنەکراوە."

 

ئەو بڕە پارەیەی تەرخانکراوە، هەر یەکەیەکی نیشتەجێبوون 44 هەزار دۆلاری بەردەکەوێت، واتە (نزیکەی چوار دەفتەر و نیو) ڕەمەزان نامیق دەڵێت، " ئەوەی لەساڵانی ڕابردوو لەم بوارەدا کراوە جگە لە بەهەدەردانی سامانی گشتی و بێ ئەزموونی و بێ پلانی حکومەت هیچی ترنیە ."

 

ئەوەشی خستووەتەڕوو، "بۆ ئەوەی حکومەت ئەو یەکانە تەواوبکات پێویستی بە زیاتر لە 120 ملیۆن دۆلاری ترهەیە جگەلەوەی بودجەیەکی تر کە پێویستە بۆ ئەو بەشانەی کەپێشتر دروستکراون، بەڵام ئێستا تێکچوون."

 

دەشڵێت، "بۆ ئەو مەبەستە لەگەڵ چەند لایەنێکی پەیوەندیدار خەریکی ئامادەکردن و گەڵاڵەکردنی کۆمەڵێک پێشنیارین بۆئەوەی بیدەین بە حکومەت و جارێکی تر دەست بکرێتەوە بەتەواوکردنی یەکەکان لەپێناو بەرژەوەندی کرێ نشینان و کەم دەرامەتان ."