گه‌ڕان

Shadow Shadow
سیاسه‌تی

وردەکاریى

چەند بڕیارێک لە کۆبوونەوەى ئەنجومەنى وەزیرانى ئەمڕۆ

2021.04.06 - 15:43
App store icon Play store icon Play store icon
چەند بڕیارێک لە کۆبوونەوەى ئەنجومەنى وەزیرانى ئەمڕۆ

ناس کورد-

ئەنجومەنى وەزیرانى عێراق بەسەرۆکایەتى مستەفا کازمى کۆبووەوە و لە کۆبوونەوەکەدا چەند بریارێک درا کە لە گرنگترینیان رەزامەندى ئەنجومەنەکە بوو لەسەر بەگرێبەستکردنى وانەبێژانى پەروەردە.

 

کەناڵی ناس کورد لە تێلیگرام جۆین بکە   

 

ئەنجومەنى وەزیرانى عێراق (6ى نیسانى 2021) بەسەرۆکایەتى مستەفا کازمى، سەرۆک وەزیرانى عێراق کۆبوونەوەى ئاسایى خۆى ئەنجامدا و ئەمانە گرنگترین ئەو بڕیارانە بوو کە لە کۆبوونەوەکەدا دران:

 

ئەنجومەنی وەزیرانی عێراق لە كۆبوونەوەی ئەمڕۆیدا دەنگی دا لەسەر پێشنیاری سەرۆك وەزیران مستەفا كازمی بۆ بەگرێبەستكردنی وانەبێژانی پەروەردە لە چوارچێوەی ئەو گوژمە پارانەی لە بودجەی 2021 بۆیان تەرخان كراوە.  

 

بڕیاردرا بە گەیاندنى بەشە خۆراکى زیادە لە ڕۆژانى داهاتوو لەگەڵ زیادکردنى بەشە خۆراک بۆ ئەم مانگە و گفتوگۆ لەگەڵ وەزیرى بازرگانى بەردەوام بێت بۆ جێبەجێکردنى .

 

هاوکات بڕیاردرا کە کارى بەپەلە بکرێت بۆ جێبەجێکردنى بڕگەکانى بودجە سەربارى ئەو تێبینییانەى لەیارەوە هەیە و سەرۆک وەزیران جەختى کردەوە کە ئەمساڵ دەبێت ساڵێکى جیاواز بێت لە گۆڕینى بودجە بۆ وەرشەیەکى کارى کردەیى.

 

هەروەها سەرۆک وەزیران نیگەرانى خۆى دەربڕى بۆ گۆڕانکارى لە ژمارە و دەقەکانى بودجە لە ئەنجومەنى نوێنەران.

 

هاوکات سبەینێ دیارى کرا بۆ راگەیاندنى ئەنجامى لێکۆڵینەوەکان لەبارەى کەوتنەوەى قوربانى لە خۆپیشاندانەکانى زیقار.