گه‌ڕان

Shadow Shadow
سیاسه‌تی

وردەکاریى

فەتح: لەهەوڵەکانمان بۆ دابەزاندنى نرخى دۆلار کۆڵ نادەین

2021.04.06 - 09:47
App store icon Play store icon Play store icon
فەتح: لەهەوڵەکانمان بۆ دابەزاندنى نرخى دۆلار کۆڵ نادەین

ناس کورد-

سەرکردەیەکى هاوپەیمانى فەتح هەڵوێستى هاوپەیمانێتییەکەى لەبارەى نرخى نوێى دۆلارەوە لە بودجەى گشتى رونکردەوە و رەتیکردەوە پشتگیرییان لە بەرزکردنەوەى بەهاى دۆلار بەرامبەر بە دینارى عێراقى کردبێت.

 

کەناڵی ناس کورد لە تێلیگرام جۆین بکە   

 

غسنفەر بەتیخ، سەرکردە لە هاوپەیمانێتى فەتج (6ى نیسانى 2021) رایگەیاند "هەڵوێستى هاوپەیمانى فەتج زۆر روونە لەبارەى نرخى دۆلارەوە و دژى جێگیرکردنى ئەو نرخە نوێیەى دۆلارە لە بودجەى گشتیدا".

 

وتیشى، فەتح هەوڵێکى زۆریدا بۆ دابەزاندنى نرخى دۆلار بەڵام حکومەت رەتیکردەوە و چەند فراکسیۆنێکى پەرلەمانیش پشتیوانى حکومەتیان کرد لە بەرزکردنەوەى دۆلاردا.

 

سەرکردەکەى فەتح هۆکارى دەنگدانیان بە بودجە بۆ ئەوە گەڕاندەوە تا هاوپەیمانێتییەکەیان تۆمەتبار نەکرێت بە دروستکردنى بەربەست بۆ تێپەڕاندنى بودجە و ئاستەنگى دروستکردن بۆ بەشێک لە پڕۆژەکان و وتى "هەربۆیە فەتح لەگەڵ زۆرینەى پەرلەماندا دەنگى بە بودجەکەدا".

 

جەختیشى کردەوە، سەرەراى فشارەکان فەتح بەردەوام دەبێت لەسەر هەوڵەکانى بۆ دابەزاندنى نرخى دۆلار و لەو داواکارییەى پاشەکشە ناکات بەوپێیەى کاریگەرییەکى نەرێنى کردۆتە سەر هاووڵاتیان.