گه‌ڕان

Shadow Shadow
سیاسه‌تی

وردەکاریى

دژی بەردەوامی لێبڕینی موچە داوایەک ئاراستەى فەرمانبەرانى هەرێم دەکرێت 

2021.04.05 - 14:06
App store icon Play store icon Play store icon
دژی بەردەوامی لێبڕینی موچە داوایەک ئاراستەى فەرمانبەرانى هەرێم دەکرێت 

ناس کورد-

ئەندامێکی لیژنەی دارایی لە پەرلەمانی عێراق ڕایگەیاند، دوای پەسەندکردنی بودجە چاودێری کردنمان بەردەوام دەبێت بەتایبەت بۆ پرسی لابردنی لێبڕینی موچەی فەرمانبەرانی هەرێم و بۆ ئەوەش داوای هاوکاری لە لایەنە ئۆپۆزسیۆنەکان و ئەو لایەنانە دەکات کە لەم کابینەی حکومەتدان بۆ ئەنجامدانی چاکسازی. 

 

کەناڵی ناس کورد لە تێلیگرام جۆین بکە   

 

هۆشیار عەبدوڵڵا، ئەندامی لیژنەی دارایی لە پەرلەمانی عێراق (5ی نیسانی 2021) لەمیانی ڕونکردنەوەیەکی ڤیدیۆیی کە "ناس کورد" بینیویەتی ڕایگەیاند "دوای پەسەندکردنی بودجەی عێراق کاری پەرلەمان کۆتایی نەهاتووە و چاودێری جیبەجێکردنی ماددەکانی یاساکە دەکات لەو چوارچێوەیەش بەگرنگی دەزانین قسە لەسەر لێبڕینی موچە "لێدزینی موچە" بکەین کە لەلایەن کابینەی نۆیەمی حکومەتی هەرێمی کوردستانەوە جێبەجێکرا، لەکاتێکدا موچە بەیاسا ڕێکدەخرێت و بەیاساش ڕێکدەکرێتەوە لەکاتێکدا حکومەت پەنا دەباتە بەر کەمکردنەوەی موچە بەبێ دەقی یاسایی ناکرێت ناونیشانی دیکەی بۆ بدۆزیتەوە".

 

باسی لەوەشکرد "پێشتر وتومانە ئەم کابینەیە ئامانجی نییە رێککەوتن بکات لەپێناو خەڵک و ئەم ڕێککەوتنەش کە کراوە لە بارێکدا کە پەیوەستە بە موچەی فەرمانبەرانی هەرێمی کوردستان و ئاسایی کردنەوەی دۆخی دارایی تاوەکو ئێستا ستراتیژی حکومەتی هەرێم بریتی نییە لەم ئاسایی کردنەوەیە، جگە لەوەش ئەم کابینەیە کە تەنها ئەم ڕێککەوتنەی کردووە و دەیەوێت بیکاتە دەستکەوت بۆ کابینەکەی مەسرور بارزانی، لەکاتێکدا ئەمە دەستکەوت نییەو پێویستی بەو هەڵایە نەبوو جگە لەوەش جێگەی سەرنجە بەرپرسە حکومییەکانی ئەم کابینەیە باسی مانەوەی لێبڕینی مووچە دەکەن".

 

ئەوەشی وت "ئێمە چاودێری هەموو پارەیەک دەکەین کە لە بەغداوە دێتە هەرێمی کوردستان و چاودێری رێککەوتنەکەش دەکەین و خۆمان بڕگەیەکمان دیاریکردووە کە پێویستە ئەولەویەت بریتی بێت لە مووچەی فەرمانبەران و بەردەوامی لێبڕینی مووچە هەمووان دەخاتە ژێر ئاڵەنگارییەکی گەورەوە (لایەنە ئۆپۆزسیۆنەکانی پەرلەمانی کوردستان)  ئەرکی گەورەیان دەکەوێتە ئەستۆ نابێت قبوڵی بکەن و پێویستە کاردانەوەی توندیان هەبێت".

 

هۆشیار عەبدوڵڵا پەرلەمانتاری فراکسیۆنی گۆڕان لە پەرلەمانی عێراق ڕاشیگەیاند "جگە لە ئۆپۆزسیۆنەکان ئەو لایەنانەش دەخاتە بەردەم بەرپرسیارێتی کە پێیان وایە لەبەر چاکسازی و گۆڕانکاری لەم کابینەیەدان کە مەبەستم "یەکێتی و گۆڕانە" ئەگەر بەمە ڕازی بوون پێویستە هەر دروشکمێکیان بە نا ڕاستگۆ وەربگیرێت، پرسی بەردەوامی لێبڕینی مووچە دەبێت هەمو لایەنەکان ئیدانەی بکەن چونکە مووچەی خەڵک دەبڕن و کادرە حزبی و میدیاکانی خۆیانی پێ گەورە دەکەن، ئیتر کاتی ئەوە هاتووە ببێتە ناڕزایەتییەکی بەرفراوان و ئەرکی ئێمەشە وتنی ڕاستییەکان".