ناس کورد-
سەرۆکى لیژنەى دارایی پەرلەمانى عێراق ئاشکرایکرد، دابەزاندنى نرخى دینار بەرانبەر دۆلار بەرەزامەندى سەرجەم کوتلە و سەرکردە سیاسییەکان و سێ سەرۆکایەتییەکە بووە.
کەناڵی ناس کورد لە تێلیگرام جۆین بکە
هەیسەم جبورى لە چاوپێکەوتنێکدا لەگەڵ کەناڵى عێراقییەى فەرمى ئاماژەى بەوەکرد، لەکۆبوونەوەیەکدا بەبەشدارى سەرجەم کوتلە سیاسییەکان و سەرکردەکان و سێ سەرۆکایەتییەکە بڕیارى بەرزکردنەوەى نرخى دۆلار پەسەندکراوە و سەرجەم بەشداربووان رەزامەند بوون.
وتیشى "سەرجەم سەرکردە سیاسییەکان بە کازمیان وتووە بڕیارەکە بدە و ئێمە لەپشتت دەبین".
جبورى جەختیکردەوە، موزادەیەکانى ئێستا لەو بارەیەوە بۆ ئیحراجکردنى حکومەتەکە کازمییە.
دەشڵێت هیچ کەسێک بوێرى بڕیارێکى لەو شێوەیەى نەدەکرد، ئەگەر رەزامەندى سەرکردە سیاسییەکانى لەسەر نەبوایە.
