گه‌ڕان

Shadow Shadow
سیاسه‌تی

’’نوێژى ئۆنلاین’’..رونکردنەوە لەبارەى کردنەوەى كەنيسەیەک لەهەرێم دەدرێت

2021.04.04 - 17:42
App store icon Play store icon Play store icon
’’نوێژى ئۆنلاین’’..رونکردنەوە لەبارەى کردنەوەى كەنيسەیەک لەهەرێم دەدرێت

ناس کورد-

 

بەڕێوەبەرایەتی گشتیی کاروباری ئايينى مەسیحیەکان لە هەرێم رایگەیاند، تەنها یەک کەنیسە کراوەتەوە بۆ ئەنجامدانى نوێژى جەژنى قیامە و سەرجەم کەنیسەکانى تر داخراون و بە ئۆنلاین نوێژەکە کراوە.

کەناڵی ناس کورد لە تێلیگرام جۆین بکە   

 

بەڕێوەبەرایەتییەکە ئەمڕۆ یەکشەممە لەرونکردنەوەیەکدا کە وێنەیەکى دەست "ناس کورد" کەوتووە، پابەندبوونى بە بڕیارى داخستنى شوێنە ئاینییەکان دوپاتکردووەتەوە، داواى لێبوردنیشى لە موسوڵمانان و سەرجەم ئايينزاكانى تر کردووە ئەگەر کردنەوەى ئەو کەنیسەیە بوبێتە هۆى بریندارکردنى هەستیان.

 

ده‌قی رونکردنەوەکە: 

 

ھاوڵاتیانی ئازیزی کوردستان

 

 لە سۆنگەى پابەندبوونمان بەبڕیارەكانی لێژنەی باڵای بەرەنگاربونەوى ڤايرۆسى کۆرۆنا لە ھەرێمى كوردستان، جەخت لەپاراستنی ئاشتی و پێکەوەژیانی ئایینی و تەبایی لە نێوان گشت ئايينەكانى کوردستان دەکەینەوە، بەرێزان، سەبارەت بە نوێژی جەژنی قیامە كە دوێنێ شەو بەرواری 3 ی مانگی نیسان بەرێوەچوو، ئەم رونكردنەوەیه‌ی خوارەوە دەخەینە روو.

 

 ئەنجامدانی نوێژی جەژنی قیامە بەبێ بەشداریكردنى ھاووڵاتيانى كريستيان بەڕێوەچووە و بەشێوەی ئۆنلاین بووە، بۆ زانياريتان سەرجەم كەنيسەكان داخراون، جگە لە كەنيسەيەك نەبێت، كە تەنھا نوێژی جەژنی تێدا ئەنجامدراوە.

 

لەم روانگەيەشەوە داوای لێبوردن لە موسوڵمانانى کوردستان و سەرجەم ئايينزاكان دەکەین، کە ئەگەر ئەم كردارە بوبێتە ھۆی بریندارکردنی ھەستیان.

 

لێرەوە جەخت دەکەینەوە، كە پابەندی گشت بڕیارەكانی لێژنەی باڵای بەرنگاربوونەوەی کۆرۆنا دەبین و رێگەش نادەین هیچ کەنيسەيەك سەرپێچی بکات، تا ئەو کاتەی بەفەرمی سەرجەم شوێنە ئایینەکان دەکرێنەوە و بەدواداچوونى كارگێڕى خۆشمان دەكەين لە بوونى ھەر كارێك كە پێچەوانەی بڕيار و رێنمايەكانى لێژنەى باڵاى بەرنگاربوونەوى ڤايرۆسى كۆرۆنا بێت .

 

خوای گەورەو میھرەبان وڵاتەکەمان و کوردستانی شیرینمان و سەرجەم پێکھاتەکانی بپارێزێت.

 

بەڕێوەبەرایەتی گشتی کاروباری ئايينى مەسیحیەکان

 

4/4/2021