گه‌ڕان

Shadow Shadow
سیاسه‌تی

وردەکاریى

دایکى شازادە حەمزە هاتە دەنگ: کودەتاکە بوختانێکى تاوانکارانەیە

2021.04.04 - 17:05
App store icon Play store icon Play store icon
دایکى شازادە حەمزە هاتە دەنگ: کودەتاکە بوختانێکى تاوانکارانەیە

ناس کورد- 

شاژنە نور هاوسەرى شا حسێن پاشاى پێشووى ئەردەن و دایکى شازادە حەمزە، داوا دەکات کە ڕاستیەکان ئاشکرا بکرێن و دادپەروەرى بۆ قوربانیانى تۆمەتى هەوڵدان بۆ کودەتا لەو وڵاتە بەدى بهێنرێت.

 

کەناڵی ناس کورد لە تێلیگرام جۆین بکە   

 

شاژنە نور (4ى نیسانى 2021) لە تویتێکدا نوسیویەتى "دەپاڕێمەوە بۆ ئەوەى ڕاستیەکان ئاشکرا بکرێن و دادپەروەرى بۆ سەرجەم قوربانیان و بێتاوانانى ئەو بوختانە تاوانکاریە بەدى بهێنرێت".

 

ئەمەش دواى ئەوە دێت، دەزگاکانى ڕاگەیاندنى ئەردەن بڵاویانکردەوە، شازادە حەمزە بن حسێن زڕبراى شا عەبدوڵڵا پاشاى ئەردەن و 20 کەسى تر بەتۆمەتى "هەڕەشە بۆ سەر سەقامگیرى وڵات" دەستگیر کراون.

 

لاى خۆشیەوە لیواى ڕوکن یوسف ئەحمەد حنیتى سەرۆکى ئەرکانى هاوبەشى ئەردەن ئاماژەى بەوەداوە، شازادە حەمزە دەستگیر نەکراوە، بەڵام داواى لێکراوە کە هیچ چالاکییەک ئەنجام نەدات کە زیان بە ئاسایشى ئەردەن بگەیەنێت.

 

لەلایەکى ترەوە شازادە حەمزە کە شازادەى جێنشینى پێشووش بووە ڕایگەیاندووە، سەرکردایەتى سوپا داوایان لێکردووە کە لە ماڵەکەى خۆیدا بمێنێتەوە و پەیوەندى بە کەسەوە نەکات، جەختیلەوەشکردووەتەوە کە ئەو بەرپرس نییە لە هیچ گەندەڵى و پلانگێڕییەک.