گه‌ڕان

Shadow Shadow
سیاسه‌تی

’’دوای چەند ڕێوشوێنێک’’

عێراق: داهاتی دەروازە سنورییەکان 80% زیادی کردووە

2021.04.04 - 15:18
App store icon Play store icon Play store icon
عێراق: داهاتی دەروازە سنورییەکان 80% زیادی کردووە

ناس کورد-
دەستەی دەروازە سنورییەکانی عێراق ڕایگەیاند، دوای ئەنجامدانی زنجیرەیەک ڕێوشوێنی ئیداری وئەمنی، داهاتی دەروازە سنورییەکان لە 80% زیادی کردووە.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەندراوێکی دەستەکە (4ی نیسان 2021) کە وێنەیەکی دەست "ناس کورد" کەوتووە، "بە ڕێژەی لە 70%ی پڕۆژە ئیداریی و بیناسازی لە دەروازە سنورییەکان ئەنجامدراوە، ئەو پڕۆژانەش دەبنە زیاترکردنی داهاتەکان".

 

ئاماژە بەوەشکراوە، "توانراوە لە ماوەی ڕابردوودا نزیکەی لە 90%ی پێشێلکارییەکانی لەو دەروازە سنوریانەدا بنبڕ بکرێت، ئەوەش دوای بەهێزکردنی ڕۆڵی چاودێری و کۆنترۆڵکردنی ڕێوشوێنەکانی گومرگ و باج، تەنها لەنیوەی دووەمی ساڵی 2020دا دوو هەزار و 777 پێشێلکاری دەستنیشان کراوە".

 

جەختلەوەشکراوەتەوە، "دوای ئەنجامدانی زنجیرەیەک ڕێوشوێنی ئیداری و ئەمنی، داهاتی دەروازە سنورییەکان لە 80% زیادی کردووە".

 

بەگوێرەی ڕاگەیەندراوەکە، "پێشبینی دەکرێت دوای تەواوبوونی پلانی چاکسازی، دەستەکە بتوانێت کۆنتڕۆڵی هەموو جۆرە پێشیێلکارییەک و دەستکاریکردنێک بکات کە ئەوەش وادەکات سامانی گشتی و داهاتەکان زیاتر بکات".

 

پێشتر بە گوێرەی بڕیارێکی ئەنجومەنی وەزیرانی عێراق، "ئەو پارێزگایانەی کە دەروازە سنورییەکانیان تێیدایە دەبێت لە 50%ی داهاتەکانیان بۆ گەشەپێدانی ئەو دەروازانە تەرخان بکەن".