گه‌ڕان

Shadow Shadow
سیاسه‌تی

پەیامێک لە قوباد تاڵەبانییەوە

قوباد تاڵەبانی ستایشی دوو ژن دەكات: خۆشحاڵ و خەمباریان كردم

2021.04.03 - 21:32
App store icon Play store icon Play store icon
قوباد تاڵەبانی ستایشی دوو ژن دەكات: خۆشحاڵ و خەمباریان كردم

ناس کورد-

قوباد تاڵەبانی، جێگری سەرۆکی حکومەتی هەرێم، ستایشی دوو ژنی کورد دەكات و بەسەرهاتی ئەو دوو خانمە خۆشحاڵ و نیگەرانیان کردووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا قوباد تاڵەبانی (شەممە 3ی ئازاری 2021) ڕایگەیاند، " ئەمڕۆ بەسەرهاتی دوو خانمی كورد خۆشحاڵ و لە هەمان كاتیشدا خەمبار و نیگەرانیان كردم."

 

ڕوونیشیکردووەتەوە، "بەر لە چەند ڕۆژ، خاتوو میدیا مەستی، پاش تەواوكردنی خولی ئەكادیمیای ساندهۆرستی سەربازی شاهانەی بەریتانی بەسەركەوتویی لەلایەن سوپای شانشینی یەكگرتووەوە خەڵات كرا، ئەم خاتوونە پێشتر لە نەخۆشخانەیەكی پێشمەرگە خزمەتی كردووە و بەم هەنگاوە نوێیەشی سەری گەل و وڵاتی خۆی بەرزكردەوە و وێنەیەكی جوانی توانا و لێهاتویی بۆ ژنی كورد نەخشاند كە جێگای شانازیكردنی گەلەكەیەتی. "

 

ئاماژەی بەوەشکردووە، "بەداخ و پەژارەی قووڵیشەوە هەواڵی کۆچی دوایی دکتۆرە نەمام غەفوری ـ م بیست بەهۆی توشبونی بە کۆرۆنا، هەرچەندە دەرفەت نەڕەخسا پێشتر لە نزیكەوە بەڕێزیان بناسم، بەڵام ئەو وەك نمونەیەکی باڵای كاری خۆبەخشی و دڵسۆزی و خەمخۆری خۆی بەهەموولایەك ناساندبوو. زیاتر لە 30 ساڵ لە ئەوروپا لە ژیانێکی ئارامدا دەژیا، بەڵام لەشەڕی داعشدا، وەک پزیشکێکی خۆبەخش گەڕایەوە کوردستان و هەر لە عەفرینەوە هەتا شەنگال و هەموو بەرەکانی جەنگ خزمەتی بریندار و لێقەوماوانی شەڕی دەکرد و بەهانای ئاوارە و ئێزدییە رزگاربووەکانی دەستی داعشەوە دەچوو. "

 

 

جێگری سەرۆکی حکومەتی هەرێم دەڵێت، "ئەم چیرۆكانەی ژنانی كورد ژیان ڕەنگینتر دەكەن و شایستەی ئەوەن بەوانە بخوێنرێن."