گه‌ڕان

Shadow Shadow
سیاسه‌تی

یەکێک لەو دادوەرانەی دادگایی سەدامیان کرد بەهۆی کۆرۆنا گیانی لەدەستدا

2021.04.02 - 17:19
App store icon Play store icon Play store icon
یەکێک لەو دادوەرانەی دادگایی سەدامیان کرد بەهۆی کۆرۆنا گیانی لەدەستدا

ناس کورد-

دادوەر محەمەد عورەیبی، یەکێک لەو دادوەرانەی کە دادگایی سەدام حسێنیان کرد ئەمڕۆ هەینی بەهۆی توشبوونی بە پەتای کۆرۆنای لە نەخۆشخانە گیانی لەدەستدا.

کەناڵی ناس کورد لە تێلیگرام جۆین بکە   

 

محەمەد عورەبی لەدوای هەردوو دادوەر ڕەئوف ڕەشید و ڕزگار محەمەد، سەرپەرشتی دادگاییکردنی سەدامی کرد.

 

ناوبراو لە ساڵی 1969 لە ناوچەی کەڕادە لە بەغدا لەدایکبووە، ساڵی 1987 چووەتە بەشی یاسا لە زانکۆی بەغدا و ساڵی 1992 دەرچووە لێی، لەو ساڵەوە دەستیکردووە بە کاری پارێزەریی و ساڵی 1998 چووەتە پەیمانگای دادوەری و ساڵی 2000 وەک دادوەر دامەزراوە.

 

ڕۆژی 1ی ئابی 2004 وەک دادوەر لە دادگای تاوانەکانی عێراق بۆ دادگاییکردنی سەدام حسێن و سەرانی ڕژێمەکەى دامەزرا، سەرۆکایەتی دەستەی دووەمی دادگای تاوانەکانی کرد لە 20ی ئەیلولی 2006 بۆ دادگاییکردنی سەدام حسێن کە تایبەت بوو بە تاوانی ئەنفال و سەرکوتکردنی ڕاپەڕینی شەعبانییە و کیمیابارانکردنی هەڵەبجە و پاکتاوکردنی حزبە ئاینییەکان.