گه‌ڕان

Shadow Shadow
سیاسه‌تی

وردەکاریى

یاساناسێک باس لە چارەنوسى گواستنەوەى موچەى فەرمانبەرانى هەرێم بۆ سەر بەغدا دەکات

2021.04.01 - 08:28
App store icon Play store icon Play store icon
یاساناسێک باس لە چارەنوسى گواستنەوەى موچەى فەرمانبەرانى هەرێم بۆ سەر بەغدا دەکات

ناس کورد- 

دادوەرێک ڕەخنە لە بەشێک لەو  پەرلەمانتارانەى کورد دەگرێت کە باسیان لە گواستنەوەى مووچەى فەرمانبەرانى هەرێم دەکرد بۆ سەر بەغدا و بە "موزایەدەچى" ناویان دەبات و پرۆژەکەش بە شکستخواردوو لەقەڵەم دەدات. 

 

کەناڵی ناس کورد لە تێلیگرام جۆین بکە   

 

حاکم شێخ لەتیف، لەبڵاوکراوەیەکدا ئاماژەى بەوە کرد "ئەوە مادەی 11ی تایبەت بە بودجەی ھەرێم لە پەرلەمانی فیدراڵ دەنگی لەسەر درا، ئەی کوان ئەو مزایەدەچیانەی کە ھیچ پەیوەندیان بە پرۆژەکەوە نەبوو تەنھا لەمیدیا و بۆ چەواشەکردنی خەڵک دەیانوت پڕۆژەی گواستنەوەی موچە بۆ سەر بەغدا نەمردوە و ئەوان بەھاوکاری پەرلەمانتارانی تر تێی دەپەڕێنن و مادەو بڕگە بۆ بودجە زیاد دەکەن؟. 



هێماى بۆ ئەوەشکردووە، وایان دەزانی ھەڵبژاردن مانگی چوار ئەنجام دەدرێت و بودجە تا ئەوکات تێناپەڕێ

گەندەڵی و موزایەدەکردن دوڕوی یەکدراون، دەبێ ئیتر خەڵک هۆشیار بێت و ئەو جۆرە کڵاوانەی نەکرێتە سەر.

 

حاکم شێخ لەتیف لە بەشێکى ترى بابەتەکەیدا نوسیویەتى، لە شەستەکانی سەدەی رابردوەوە ئەم دەڤەرەی ئێمە باجی حزب و کەس و پەرلەمانتاری مزایەدەچی دەدات کە کار لەسەر ختوکەدانی ھەستی خەڵکی ھەژار و بەشمەینەت دەکەن بۆ بەدەست ھێنانی ئامانجە سیاسی و ئابوری و ئینتیخابیەکانی خۆیان، لەبەرگی بەرگری کردن لە مافی ئەواندا. 

 

جەختیلەوەشکردووەتەوە، ئێمە چۆن لەرابردوو بۆ ماوەی 20 ساڵ زیاترە دژی گەندەڵ کاران وەستاوینەتەوە، بەھەمان نەفەس و زیاتریش دژی موزایەدەچیەکان و پۆپۆلیستەکان دەوەستینەوە، کاری باشیش جێگای دەست خۆشیەو دەستی کاکه هۆشیار خۆش بێت کە توانی موچەی فەرمانبەرانی فیدراڵی بخاتەوە سەربەغدا.