گه‌ڕان

Shadow Shadow
سیاسه‌تی

ناوی دوو ئەندامەکەى کورد بۆ دادگای فیدڕاڵی ئاشکرا کران

2021.03.29 - 19:34
App store icon Play store icon Play store icon
ناوی دوو ئەندامەکەى کورد بۆ دادگای فیدڕاڵی ئاشکرا کران

ناس کورد-

پێکهاتەی دادگای فیدڕاڵیی عێراق تەواو کرا و دوو دادوەری کورد بە ئەندامی دادگاکە هەڵبژێردران کە یەکێکیان لە دهۆکە و ئەوی تریان لە سلێمانی.

کەناڵی ناس کورد لە تێلیگرام جۆین بکە   

 

بەپێی ڕاگەیەنراوێکی دادگاکە کە کۆپییەکی دەستی ناس کورد کەوتووە (29ی ئازاری 2021) دەڵێت، "دادوەر عەبدولڕەحمان سلێمانی کە سەرۆکى دادگای تاوانی دهۆکە بووەتە ئەندامی ڕەسەنی دادگاکە."

 

"هەروەها جاسم جەزا، سەرۆکى دادگای تێهەڵچوونەوەى سلێمانی بووەتە ئەندامی دادگای فیدڕاڵی."

 

بەپێی ڕاگەیەنراوەکە، سەرۆک، جێگری سەرۆک و ئەندامانی دادگای فیدراڵیی عێراق بەم شێوەیە:

 

یەکەم: دادوەر جاسم محەممەد عەبود، سەرۆکی دەستەی سەرپەرشتیاریی دادوەریی بۆ پۆستی سەرۆکی دادگای باڵای فیدراڵی.

دووەم: دادوەر سەمیر عەباس، سەرۆکی دادگای تاوانی ئەنبار، جێگری سەرۆکی دادگا.

سێیەم: دادوەر غالب عامر، سەرۆکی دادگای تێهەڵچوونەوەی واست، ئەندامی رەسەن.

چوارەم: دادوەر حەیدەر جابر، سەرۆکی دادگای تێهەڵچوونەوەی نەجەف، ئەندامی رەسەن.

پێنجەم: دادوەر ئەیوب عەباس، ئەندامی دادگای پێداچوونەوە، ئەندامی رەسەن.

شەشەم: دادوەر حەیدەر عەلی نووری، سەرپەرشتیاری دادوەری دەبێتە ئەندامی رەسەن.

حەوتەم: دادوەر خەلەف ئەحمەد، ئەندامی دەستەی تێهەڵچوونەوە لە دادگای تێهەڵچوونەوەی سەلاحەددین، ئەندامی رەسەن.

هەشتەم: دادوەر د. عەبدولڕەحمان سلێمان، سەرۆکی دادگای تاوانەکانی دهۆک، ئەندامی رەسەن.

نۆیەم: دادوەر جاسم جەزا، سەرۆکی دادگای تێهەڵچوونەوەی سلێمانی، ئەندامی رەسەن.

 

هەروەها ئەمانەى خوارەوە ئەندامی یەدەگی دادگاکەن:

دەیەم: دادوەر عادل عەبدولڕەزاق، سەرۆکی دادگای تێهەڵچوونەوەی بەسرە، ئەندامی یەدەگی دادگاکە.

یازدەیەم: دادوەر خالد تەها، سەرۆکی دادگای تێهەڵچوونەوەی کەرخ، ئەندامی یەدەگی دادگاکە.

دوانزەیەم: دادوەر مونز ئیبراهیم، ئەندامی دادگای پێداچوونەوە، ئەندامی یەدەگی دادگاکە.

سیانزەیەم: دادوەر تاهر سلێمان، سەرۆکی دادگای نێوجەوانانی دهۆک، ئەندامی یەدەگی دادگاکە.

 

پەرلەمانى عێراق 18ى ئازارى 2021، پڕۆژەیاسای دادگای فیدڕاڵی پەسەندکرد، بەوەش دادگاکە جارێکى تر دەستبەکارەکانى دەکاتەوە، کە لە ناوەڕاستى 2019 ەوە پەکیکەوتووە بەهۆى مردن و خانەنشیبوونى چەند ئەندامێکییەوە.