گه‌ڕان

Shadow Shadow
سیاسه‌تی

وەڵامێک بۆ بایدن

ئێران بۆ جۆبایدن: نیگەرانیەکانت ڕاست و دروستە

2021.03.29 - 14:21
App store icon Play store icon Play store icon
ئێران بۆ جۆبایدن: نیگەرانیەکانت ڕاست و دروستە
 ناس کورد- 

سکرتێرى ئەنجومەنى ئاسایشى نەتەوەیى ئێران لەوەڵامى سەرۆکى ئەمەریکادا لەسەر ڕێککەوتنى ئێران و چین دەڵێت، نیگەرانییەکانى جۆ بایدن بەتەواوەتى ڕاست و دروستە.

کەناڵی ناس کورد لە تێلیگرام جۆین بکە   

 

لەوەڵامى پرسیارێکى ڕۆژنامەوانیدا لەبارەى ڕاڕاییەکانى لەسەر پەیوەندییە بازرگانییەکانى نێوان چین و ئێران کە "ناس کورد" بەدواداچوونى بۆ کردووە (دووشەممە 29ى ئادارى 2021)  جۆ بایدن ڕایگەیاند، " دەمێ ساڵە لەسەر ئەو کارە نیگەرانم."   

 

لە وەڵامی بایدندا و لەتوێتێکیدا کە "ناس کورد" بینویەتى، عەلى شەمەخانی، سکرتێرى گشتیى ئەنجومەنى ئاسایشى نەتەوەیى ئێران (29ى ئادارى 2021) ڕایگەیاندووە، " نیگەرانییەکانی سەرۆکی ئەمەریکا بەتەواوی ڕاستە، بایدن دنیا تەنها خۆرئاوا نیە و خۆرئاواش بەتەنها ئەمریکاى یاسا شکێن  و سێ وڵاتى ئەوروپى بێ بەڵێن نیە." 

 

وتووشیەتى، "گەشانەوەى هاریکاریی ستراتیژى لەخۆرهەڵاتتدا لەناوچوونى  ئەمەریکا خێراتردەکات."

 

ڕۆژى شەممەى ڕابردوو، لەسەردانێکى وەزیرى دەرەوەى چین دا بۆ ئێران، ڕێککەوتنێکی ستراتیژیى بازرگانى و سیاسى و ئابورى و کەلتوورى لەنێوان چین و ئێراندا بۆ ماوەى 25 ساڵى ئایندە واژۆ کرا.  

  

بەپێى ئەو ڕێککەتنە وەبەرهێنانى چین لەو وڵاتەدا دەگاتە 450 ملیار دۆلار و ژێرخان و سەرخانى ئێران دەگرێتەوە لەزۆر بواردا بەتایبەت ڕێگا و بان و وزە و پترۆکیمیایى.