گه‌ڕان

Shadow Shadow
سیاسه‌تی

بەشیر حەداد دوو کێشەى بەردەم دەنگدانى لەسەر بودجە ئاشکراکرد

2021.03.28 - 22:03
App store icon Play store icon Play store icon
بەشیر حەداد دوو کێشەى بەردەم دەنگدانى لەسەر بودجە ئاشکراکرد

ناس کورد-

 

بەشیر حەداد جێگرى سەرۆکى پەرلەمانى عێراق رایگەیاند، دوو کێشەى گەورە رێگرن لەبەردەم دەنگدان لەسەر بودجە، لەکاتێکدا ژمارەى یاسایی پەرلەمانتاران ئامادەن بۆ بەستنى کۆبوونەوە.

کەناڵی ناس کورد لە تێلیگرام جۆین بکە   

 

بەشیر حەداد لە لێدوانێکیدا بۆ رۆژنامەنوسان کە "ناس کورد" بینیویەتى ئاماژەى بەوەکرد، کێشەکان پەیوەستن بە بڕى قەرز و نرخى دۆلارەوە کە بەشێک لە کوتلەکان ناکۆکن لەسەرى.

 

وتیشى "دەمانەوێت بگەینە چارەسەرێکى مامناوەند و پەنا نەبەینە بەر زۆرینە و کەمینە، ئەگینا ژمارەى یاسایی پەرلەمانتاران هەیە بۆ ئەوەى دەست بە کۆبوونەوەکە بکەین".

 

بەشیر حەداد باسى لەوەشکرد، ئەگەر توانیان بگەنە چارەسەرێکى مامناوەند باشە، ئەگەرنا پەنا دەبرێت بۆ زۆرینە و کەمینە.

 

لەبارەى رێککەوتن لەسەر پشکى هەرێم، بەشیر حەداد وتى "بەڕێککەوتنەکە ڕازین و لەوە زیاتر نەدەکرا".