گه‌ڕان

Shadow Shadow
سیاسه‌تی

وردەکاریى

هۆشداری لە وشکبوونی دەریاچەیەکی عێراق دەدرێت 

2021.03.28 - 16:45
App store icon Play store icon Play store icon
هۆشداری لە وشکبوونی دەریاچەیەکی عێراق دەدرێت 

ناس کورد-

توێژەرانی زانکۆی "فرایبۆرگ"ی ئەڵمانی هۆکاری وشکبوونی دەریاچەیەکی عێراق ئاشکرا دەکەن.

 

کەناڵی ناس کورد لە تێلیگرام جۆین بکە   

 

رۆژنامەی "مەدا"ی عێراقی (28ی ئازاری 2021) لە هەواڵێکدا کە "ناس کورد" بەدواداچوونی بۆ کردووە بڵاوى کردەوە، توێژەرانی زانکۆی "فرایبۆرگ" لە ئەڵمانیا ڕایانگەیاندووە " ئەو بومەلەرزانەی کە لەناوچەکانی باکوری خۆرهەڵاتی عێراق ڕوویانداوە لەساڵی 2016 تینەکەی گەیشتووەتە  ناوچەکانی سنوری پارێزگای سەماوە  کەئەوەش وایکردووە بەشێک لە ڕێڕەوە ئاوییە ژێر زەوییەکان کە سەرچاوەی ئاون بۆ دەریاچەکە، دابخرێن".

 

 ئەوەشخراوەتەڕوو "تیمەکانی غەواسی زانکۆ ئەڵمانییەکە چەندین جار چونەتە قوڵایی دەریاچەکەوە و ئەوەیان بۆ دەرکەوتووە کە چارەسەرکردنی کێشەکە پێویستی بە یارمەتی نێودەوڵەتییە و بودجەیەکی زۆر هەیە".

 

دەریاچەی ساوا، دەریاچەیەکی خوێی داخراوە و دەکەوێتە پارێزگای موسەننا لە باشوری عێراق لەنزیک ڕوباری فورات، کە بەدوری 23 کیلۆمەتر دەکەوێتە ڕۆژئاوای شاری سەماوە ناوەندی پارێزگای موسەننا. 

 

دەریاچەی ساوا ڕوباری نییە، بەڵکو لەژێر دەریاچەکەوە ئاوی ژێر زەوی بۆ دابین دەکرێت، کە لە ڕوباری فوراتەوە لە ڕێگەی درز کەلەبەرەکانەوە پێ دەگات.