گه‌ڕان

Shadow Shadow
سیاسه‌تی

زانیاری زیاتر

لیژنەی باڵای ڕووبەڕووبوونەوەی کۆرۆنا بڕیاری نوێ دەردەکات

2021.03.28 - 14:23
App store icon Play store icon Play store icon
لیژنەی باڵای ڕووبەڕووبوونەوەی کۆرۆنا بڕیاری نوێ دەردەکات

 

ناس کورد-

وەزیری تەندروستیی حکومەتی هەرێم ڕایگەیاند، ژمارەی توشبووانی کۆرۆنا بەردەوام لە زیادبووندایە و لەزووترین کاتدا لیژنەی باڵای ڕووبەڕووبوونەوەی کۆرۆنا کۆدەبێتەوە ۆ بڕیاری نوێ دەردەکات.

کەناڵی ناس کورد لە تێلیگرام جۆین بکە   

 

د. سامان بەرزنجی، وەزیری تەندروستیی هەرێمی کوردستان (یەکشەممە 28ی ئازاری 2021) لە کۆنفرانسێکی ڕۆژنامەوانیدا ڕایگەیاند، "لە نزیکترین کاتدا لەم هەفتەیەدا لیژنەی باڵای ڕووبەڕووبوونەوەی کۆرۆنا کۆدەبێتەوە و بڕیاری نوێ بۆ بەرەنگاربوونەوەی کۆرۆنا دەردەکات."

 

وتیشی، "ژمارەی توشبووانی کۆرۆنا زۆر زیادی کردووە و ژمارەی ئەو توشبووانەشی تەندروستییان ناجێگیرە و پێویستیان بە ئامێری هەناسەدانی دەستکردە بەهەمانشێوە زیادیان کردووە."

 

سەبارەت بەوەشی کە بەڕێوەبەری تەندروستیی سلێمانی ڕەخنەی لە ڕێکارەکانی حکومەت گرتووە بۆ بەرەنگاربوونەوەی ڤایرۆسەکە، وەزیری تەندروستی ئاماژەی بەوەکرد، "ئەوە ڕەخنە نەبووە لە حکومەتی هەرێم، ئێمەش نیگەرانین لە جێبەجێنەکردنی هەندێک لە ڕێکارەکان لەلایەن هەندێک لایەنی پەیوەندیدار و هاووڵاتیانیش."