گه‌ڕان

Shadow Shadow
سیاسه‌تی

یەكێك لە چوار مەرجەعەی شیعە

حەكیم بۆ شیعەكان: خۆتان بۆ دوای دەركەوتنی مەهدی ئامادە بكەن

2021.03.28 - 12:17
App store icon Play store icon Play store icon
حەكیم بۆ شیعەكان: خۆتان بۆ دوای دەركەوتنی مەهدی ئامادە بكەن

ناس كورد-
محەمەد سەعید حەكیم یەكێك لە چوار مەرجەعە سەرەكییەكەی شیعە لە شاری نەجەف لە "ساڵیادی لەدایكبوونی مەهدی" كە ئیمامی دوازدەیەمە لای شیعەكان داوا دەكات خەڵك خۆیان بۆ قۆناغی پاش دەركەوتنی ئامادە بكەن.

کەناڵی ناس کورد لە تێلیگرام جۆین بکە   

 

حەكیم لە ڕاگەیەنراوێکدا كە وێنەی دەست "ناس كورد" كەوتووە بە بۆنەی شەوی نیوەی شەعبانەوە "بەرات" كە لای شیعەكان ساڵیادی لەدایكبوونی ئیمام مەهدی "الحجة" جەخت لەوە دەكاتەوە چاوەڕوانكردنی دەركەوتنی مەهدی دوو ئەرك لەخۆی دەخوازێت و دەبێت "ئیمانداران خۆیانی بۆ ئامادە بكەن".

 

لەبارەی دوو ئەركەكەشەوە مەرجەعیەتی حەكیم یەكەمیان بەقۆناغی پێش دەركەوتن و دووەمیش بەقۆناغی پاش دەركەوتن دیاری دەكات كە دووەمیان "سەرەتای قۆناغێكی هەستیاری نوێیە" و داوا لەشیعەكان دەكات خۆیانی بۆ حازر بكەن "بۆ ئەوەی ئەو دەرفەتەیان لەكیس نەچێت كە چەندین نەوەیە چاوەڕوانی دەكەن".

 

مەهدی؛ محەمەدی كوڕی حەسەنی كوڕی عەلی مەهدییە كە لەنەوەی بنەماڵەی پێغەمبەری ئیسلامە لە رێگەی حسێنی كوڕی عەلییەوە، بە بۆچوونی شیعەكان لەنێوان ساڵانی 328 - 329 كۆچی لە سامەڕا غەیب بووە، ڕۆژێكیش دێت دەربكەوێتەوە بۆ بەرپاكردنی دادگەری و ڕزگاركردنی شیعە. لە غیابی ئەویشدا سەرجەم مەرجع و رێبەرە ئاینییەكانی شیعە بانگەشە بۆ ئامادەسازیی دەركەوتنی مەهدی دەكەن.