گه‌ڕان

Shadow Shadow
سیاسه‌تی

زانیاریی زیاتر

پارتی: هەڵبژاردنی 2018 دەنگێکی زۆرمان بەفیڕۆ چوون

2021.03.28 - 12:06
App store icon Play store icon Play store icon
پارتی: هەڵبژاردنی 2018 دەنگێکی زۆرمان بەفیڕۆ چوون

ناس کورد-

بەرپرسی دەزگای هەڵبژاردنی پارتی دیموکراتی کوردستان ڕایگەیاند، ئامادەكارییەكانیان بۆ ھەڵبژاردنی داھاتوو دەستی پێكردووە و بۆ دیاریكردنی كاندید و بریكارەكانی پارتی دەكەن، دەشڵێت، لە ھەڵبژاردنی ساڵی 2018دا دەیان ھەزار دەنگیان بەفیڕۆ چووە و هیوادارن لەم هەڵبژاردنەدا ئەوە ڕوونەدات.

کەناڵی ناس کورد لە تێلیگرام جۆین بکە   

 

خەسرۆ گۆران، بەرپرسی دەزگای ھەڵبژاردنی پارتی (یەکشەممە 28ی ئازاری 2021) بە میدیای فەرمیی حزبەکەی ڕاگەیاند، "دەزگای ھەڵبژاردنی پارتی سەرقاڵی خۆئامادەكردنە بۆ بەڕێوەچوونی ھەڵبژاردنی پێشوەختەی عێراق و لەسەر چەند خالێك كار دەكرێت، لەوانەش بەشداریی ھاووڵاتیان و دەنگدەران لە پڕۆسەی بایۆمەتری و یەكلاكردنەوەی پرسی دەنگدەرە ئاوارەكان، چونكە نامانەوێت ھیچ كەسێك لە مافی دەنگدان بێبەش بكرێت".

 

ئاماژەی بەوەشکردووە، " كار بۆ دیاریكردنی كاندیدانی پارتی بۆ پەرلەمانی داھاتوو و هەروەها دیاریكردنی بریكارەكانی پارتی بۆ سەر سندووقەكانی دەنگدان دەكەن، پڕۆسەكە بەردەوامیی ھەیە و ھێشتا نەگەیشتووینەتە قۆناغی كۆتایی، بەڵام رۆژانی ھەینیش كار بۆ ئامادەكارییەكانی ھەڵبژاردنی عێراق دەكەین".

 

خەسرۆ ئەوەشی خستووەتەڕوو، "لە ھەڵبژاردنەكانی ڕابردووی ساڵی 2018ـدا، دەیان ھەزار دەنگی ئێمە بەھۆی كەمتەرخەمیی كۆمسیۆنی باڵای ھەڵبژاردنەكانی عێراقەوە بەفیڕۆ چوون، ھیوادارین ئەمجارە دووبارە نەبێتەوە و كۆمسیۆن بە تەواوەتی كار بۆ نەھێشتنی  كێشەكانی رابردوو بكات."

 

ئاماژەی بەوەشکردووە، " ئێمە خۆمان بۆ رۆژی ھەڵبژاردن ئامادە كردووە و ئەگەریش دوا خرا، پابەندی بڕیاری دواخستن دەبین".