گه‌ڕان

Shadow Shadow
سیاسه‌تی

زانیاری زیاتر

عەلی قەرەداغی لەبارەی ’’هاوڕەگەزخوازی’’ پەیامێک بڵاودەکاتەوە

2021.03.28 - 11:56
App store icon Play store icon Play store icon
عەلی قەرەداغی لەبارەی ’’هاوڕەگەزخوازی’’ پەیامێک بڵاودەکاتەوە

ناس کورد-

دوای ئەوەی خانمە وەزیرێکی فەڕەنسی داوایکردبوو مامۆستایانی وتاربێژی مزگەوتەكانی فەڕەنسا لەكاتی وتارەكانی هەینیدا مافبدەن بە كەسانی هاوڕەگەز لە هاوسەرگیریدا، د.عەلی قەرەداغی، ئەمینداری گشتیی یەکێتیی جیهانیی زانایانی ئایینی ئیسلام پەیامیکی ئاڕاستەی ئەو وەزیرە کرد و ڕایگەیاند، ئەو بڕیارانە بڕیاری توڕەكردن و وروژاندنی هەستی بەرانبەرەكانە.

کەناڵی ناس کورد لە تێلیگرام جۆین بکە   

 

دەقی نوسینەکەی د. عەلی قەرەداغی:

 

بۆ خانمە وەزیرەكەی فەرەنسا...

لە رێگای هۆكارەكانی راگەیاندنەوە ئەم هەواڵەمان پێگەیشت:

 

مارلین شیاپا، خانمە وەزیری فەرەنسا كە كاروبارەی هاوڵاتیبوون دەبات بەڕێوە، داوا لە مامۆستایانی وتاربێژی مزگەوتەكانی وڵاتەكەی دەكات كە لەكاتی وتارەكانی رۆژانی هەینیدا، مافبدەن بە كەسانی هاوڕەگەز لە هاوسەرگیریدا، ئەوەش بەپێی ئەو بەڵگەنامەیە كە لە نێوان ئەو و سەرۆكی فەرەنسادا واژۆكراوە.

 

 دەڵێم:

ئەی خاتوو مارلین شایپا، وەزیری كاروباری هاوڵاتیبوون لە فەرەنسا، بەداخ و پەژارەوە دەڵێم: ئەم بڕیارانە بڕیاری توڕەكردن و وروژاندنی هەستی بەرانبەرەكانە، جۆرە هەڵوێستێكن كە بە هیچ جۆر خزمەت بە ژیانی ئاشتیخوازیی ناكات لە فەرەنسادا...

 

پاراستنی فەرەنسا و پارێزگاریلێكردنی بەشێكە لەنێو پەرستشەكانی ئێمەدا، چونكە بەشێكە لە دنیای ئاوەدان كە خوای گەورە فەرمانیداوە بە پاراستن و چاودێریكردنی، جیهانیش لە ئەمڕۆدا بووەتە گوندێكی بچوك، كاریگەریی هەر بڕیارێكی نەرێنی دەڕوات بۆ دوورتر لەوەی خاوەنی بڕیارەكە پێشبینی دەكات..

 

جگە لەوەش ئێمە هەرجۆرە ئارامیی و ئاشتی و ماف و ئەركێك بەوە دەزانین كە بەشێكە لە ئاین و پشتگیری لێدەكەین..

 

لەڕاستیدا رێزگرتن لە پیرۆزییەكانی كۆمەڵگاو فرە ئاینییەكەی كاری دانایان و ژیرمەندان و ئەو سیاسەتمەدارانەیە كە دەیانەوێت وڵاتێكی رزگار و ئازاد بونیات بنێن..

 

بەڵام ئێمە بەم هەواڵە تووشی شۆك بووین، ئێمە بەردەوام پێداگرین لەسەر رێزگرتن لەو یاساو بڕیارانە كە رێز لە پیرۆزییەكانی هاوڵاتیان دەگرن...

 

ئەم هەواڵە كەوتووەتە ناو سێ‌ هەڵەی گەورەوە كە شیاو نیە بەڕێزتان بكەونە ناویان:

 

هەڵەی یەكەم: سەرپێچیكردنە لە یاساكان:

چونكە ئێمە وادەبینین ئەم هەواڵە، یەكەم وێنای پاشگەزبوونەوەو پاشەكشە لە بەهاكانی كۆماری فەرەنسادا دەكات، دووەم دەستوەردانێكی راستەوخۆیە لە كاروباری ئازادی ئاینی و دژە بە یاسای نێودەوڵەتی و شەریعەتی مافەكانی مرۆڤ لەلایەكی ترەوە، سێیەم دژە لەگەڵ چەمكی عەلمانیەتی خۆرئاوادا (كە لە ئەمڕۆدا بەدیاریكراوی فەرەنسا پابەند نیە پێیەوە لەلایەكەوە)..

 

لەلایەكی ترەوە دژە بە عەلمانیەت و یاساكانی كۆماریی كە ئیقرار بە بێلایەنی دەوڵەت دەكەن بەرانبەر بە ئاینەكان، ئایا عەلمانیەتی فەرەنسا بە مانای خۆماڵیكردنی ئاینەو گۆڕینیەتی بۆ دەزگایەك و كردنیەتی بە موڵكی دەوڵەت؟

 

هەڵەی دووەم: دووڕوویی و دووفلیقانەیی پێوەرەكان:

لەلایەكی ترەوە ئایا ئاینەكانی تریش دەچنەناو ئەم داوایەتان یان تەنها خەڵاتێكەو ئاینی ئیسلامیی و موسڵمانانتان تایبەت كردووە پێیەوە؟

 

موسڵمانان ئەمەیان قوبوڵ نیە، ئەمەش وامان لێدەكات بپرسین: ئەم دووفلیقانەییە بۆچی و لەپای چی؟

 

ئێمە لە جێكەوتەكانی ئەم دووفلیقانەییە دەترسین، چونكە دەبێتە بەنزینی ئەو توندڕەوانە تا پاساو بۆ توندڕەویەكەیان بێننەوە، كەواتە بۆچی دەبێ‌ هەلی قۆستنەوەیان لەمجۆرە هەڵوێستە هەڵانەدا بدەینێ‌؟

 

هەڵەی سێیەم: هەڵوێست لە هاوڕەگەزبازیی:

مەسەلەی قەدەغەكردنی هاوڕەگەزبازیی تایبەت نیە تەنها بە ئاینی ئیسلامەوە، بەڵكو لە هەموو ئاینەكاندا كارێكی حەرام  و قەدەغەیە و تایبەتمەندی خێزانە كە لە ئایندا رێزیلێگیراوە.

 

خێزانیش بە واتا كلاسیكییەكەی بریتییە لە (پیاو و ئافرەت و منداڵان كە لە پایە هەرە سەرەكییەكانی خێزانن)، خێزان بە سروشتی خۆی یاساییە، چ جای هەموو ئاینە ئاسمانییەكان بەڵكو هەموو بەڵێننامەو پەیماننامە نێودەوڵەتییەكان بۆ مافەكانی مرۆڤ پشتگیری لێدەكەن...

 

لەڕاستیدا هاورەگەزبازیی دەستدرێژییە بۆ سەر سروشتی پاك و خۆڕسك و تەبیعەتی پاكی مرۆیی، هەروەها بۆ پیرۆزی خێزان و سۆزە سروشتییە پاكەكانی باوك و دایك و منداڵان.. چونكە خێزانی شەقامگیر و پایەدار و بەردەوام لە سایەی ئەم هاوڕەگەزبازییەدا بوونی نامێنێ.

 

هاوڕەگەزبازیی لە هەندێ‌ لە ژیارە پێشووەكاندا بڵاوبووەتەوەو ژیارەكەی لەناوبردووە، چونكە پێچەوانەی زانستی گردبوونەوەی سروشتی مرۆییە..دەی كەواتە بۆچی داوا لە موسڵمانان بكرێ‌ كە دانبنێن بە مافی ئەنجامدانیدا...

 

لەبەرانبەرەوە ئێمە وادەبینین كە دەبێت هەوادارانی هاوڕەگەزبازیی چارەسەر بكرێن و بنێردرێن بۆ مەڵبەندە تەندروستییەكان و نەخۆشخانەكان تا هۆكاری ئەو رەفتارە نامۆیەیان بزانرێ‌...

 

لە كۆتاییدا ئێمە لە یەكێتی جیهانیی زانایانی موسڵمان پێشتر و ئێستەشی لەسەر بێت داوامان كردووەو دەیكەین بە رەتكردنەوەی ئەم بڕیارە خۆسەپێنەرانە لەلایەن دەستەڵاتەوە، داوا لە پیاو و ئافرەتانی موسڵمان لە فەرەنسا دەكەین كە پەنا ببەنەبەر یاساو دامەزراوە مەدەنییەكان و سكاڵا دژ بە هەر یاسایەك تۆمار بكەن كە مافە مرۆییەكان سنوردار دەكات، لە پێش هەمووشیانەوە مافی ئازادی ئاین و باوەڕ، دەبێ‌ بەرلە سەپاندنی هەر بڕیارێك لەسەرمان پێویستە ئاستی رەوایەتی و شەرعییەتی ئەو بڕیارە بزانین.