گه‌ڕان

Shadow Shadow
سیاسه‌تی

ڤیدیۆکە ببینە

بە ڤیدیۆ؛ شەش هەزار چەکدار چوونە ناو کەمپی هول.. ’’مەترسییەکی گەورە’’

2021.03.28 - 10:36
App store icon Play store icon Play store icon

 ناس کورد-

بەگوێرەی میدیاکانی ڕۆژئاوای کوردستان هێزەکانی ئاسایشی ناوخۆ و هەسەدە بە بەشداری شەش هەزار ئەندام ئۆپەراسیۆنێکیان لە کەمپی هۆل ئەنجامدا کە زیاتر لە 60 هەزار ژن و مندای داعشی تێدایە بە ئامانجی کۆتاییهێنان بە کاریگەریی داعش لەسەر کەمپەکە کە تیایدا ئایدۆلۆژیای داعش بە منداڵان دەوترێتەوە.

کەناڵی ناس کورد لە تێلیگرام جۆین بکە   

 

ماڵپەڕی "هاوار نیوز"ی سەربە هێزەکانی سوریای دیموکرات (یەکشەممە 28ی ئازاری 2021) بڵاویکردەوە، "کاتژمێر 4:00ی بەرەبەیانی ئەمڕۆ یەکشەممە شەش هەزار ئەندامی هێزەکانی ئاسایشی ناوخۆ و هەسەدە چوونە ناو کامپی هۆڵ-ی تایبەت بە ژنان و منداڵانی داعش."

 

لەدوای ئۆپەراسیۆنەکە ئەو هێزانە لە ڕاگەیەنراوێکدا ڕایانگەیاند، "ئۆپراسیۆنەکە بۆ کۆتاییهێنانە بە کاریگەرییەکانی داعش لەسەر کەمپەکە هەم لەڕووی ئەمنییەوە هەمیش لەڕووی هزرییەوە."

 

ئاماژە بەوەشکراوە، "کەمپەکە مەترسییەکی گەورەیە بۆ ئەمنییەتی ناوچەکە، چونکە لەناو کەمپەکەدا بیروبۆچوون و ئایدۆلۆژیای داعش بە منداڵان دەوترێت و ئامانجێکی ئۆپەراسیۆنەکە بۆ کۆتایی هێنان بووە بەو هەڵمەتە."

 

ئەوەش خراوەتەڕوو، "هەروەها ئەنجامدانی تاوان لەناو کەمپەکەدا زیادیکردووە و تەنها لەساڵی ڕابردوودا 47 کەس لەناو کەمپەکەدا کوژراون کە ئەوەش ترسێکی زۆری دروست کردووە."

 

بەگوێرەی ڕاگەیەنراوەکە، " ئۆپەراسیۆنەکە لەسەر داواکاریی هاووڵاتیانی ناوچەکە بووە بۆ کەمکردنەوەی مەترسییەکانی کەمپەکە بۆ سەر ناوچەکە و جیهانیش."

 

کەمپی هۆل دەکەوێتە شارۆچکەی هۆل لە ڕۆژهەڵاتی شاری حەسەکە و 45 کیلۆمەتر لە حەسەکەوە دوورە و تیایدا ژنان و منداڵانی داعشی تێدا دەژین و لەژێر چاودێری هێزەکانی سوریای دیموکراتدایە.