گه‌ڕان

Shadow Shadow
سیاسه‌تی

زانیاری زیاتر

توێژینەوەیەک: ڤاکسینی کۆرۆنا کاریگەریی لەسەر ئەم کەسانە زیاترە

2021.03.27 - 23:27
App store icon Play store icon Play store icon
توێژینەوەیەک: ڤاکسینی کۆرۆنا کاریگەریی لەسەر ئەم کەسانە زیاترە

ناس کورد-

توێژینەوەیەکی پزیشکیی نوێ ئاشکرایکرد، ئەو کەسانەی کە زۆرترین سود لە ڤاکسینی کۆرۆنا وەردەگرن ئەوانەن کە پێشتر توشی ڤایرۆسەکە بوون .

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێکی ڕۆژنامەی "دەیلی مەیل"ی بەریتانی ( 27ی ئازاری 2021)  کە "ناس کورد" بەدواداچوونی بۆ کردووە، " توێژەرانی زانکۆی شەفیڵد لە  بەریتانیا توێژینەوەیەکیان ئەنجامداوە، لە ئەنجامدا بۆیان دەرکەوت پێکوتەکانی دژەکۆرۆنا   کاریگەرترە لەسەر ئەو کەسانەی کە پێشتر توشی ڤایرۆسەکە بوون".

 

ئاماژە بەوەشکراوە، "ئەو کەسانەی کە پێشتر توشی کۆرۆنا بوون و ڤاکسینی فایزەریان پێدراوە جەستەیان نزیکەی حەوت ئەوەندە دژە تەنەکانیان بەرهەم هێناوە بە بەراورد بەو کەسانەی کە پێشتر توشی ڤایرۆسەکە نەبوون".

 

توێژینەوەکە ئەوەشی سەلماندووە، دژە تەنەکان کارابوون دژ بە نەوە نوێیەکانی کۆرۆنا لە جۆری باشوریی ئەفریقیا و بەرازیل و کاریگەرییەکەی 15جار زیاتر بووە بەراورد بەو کەسانەی کە پێشتر توشی ڤایرۆسەکە نەبوون" .

 

چۆچان دی سیلڤا، کە یەکێکە لە بەشداربووانی نوسینەوەی توێژینەوەکە لەو بارەیەوە بە ڕۆژنامە بەریتانییەکەی وتووە، "ئەو کەسانەی کە توشی ڤایرۆسەکە بوون و دواتر چاکبوونەتەوە پێویستە بەڤاکسینی دژە کۆرۆنا بکوترین بۆ ئەوەی بەرگریی جەستەیان  باشتربێت لە دژی پەتاکە".