گه‌ڕان

Shadow Shadow
سیاسه‌تی

وردەکاریی

تەندروستیی چۆمان: ئەو ئۆتۆمبێلە بوک و زاوای تێدا نەبووە و هەواڵەکە ڕاست نییە

2021.03.26 - 20:28
App store icon Play store icon Play store icon
تەندروستیی چۆمان: ئەو ئۆتۆمبێلە بوک و زاوای تێدا نەبووە و هەواڵەکە ڕاست نییە

ناس کورد-

بەڕێوەبەری تەندروستیی چۆمان هەواڵی برینداربوونی بوک و زاوایەک لە ڕۆژی ئاهەنگی گواستنەوەدا بە ڕووداوی هاتوچۆ ڕەتدەکاتەوە و ڕایگەیاند، ئەو ئۆتۆمبێلە نە بوک و نە زاوای تێدا نەبووە و تیایدا ژنێکی بەتەمەن و منداڵێکی ساوا برینداربوون.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ هەینی 26ی ئازاری 2021، وێنەی رووداوێکی هاتوچۆ لە تۆڕەکۆمەڵایەتییەکان و بەشێکی زۆر لە میدیاکان بڵاوکرایەوە کە گوایە "بوک و زاوایەک تووشی ڕووداوی هاتوچۆ بوون و بە بێهۆشی گەیەنراونەتە نەخۆشخانە. "

 

لەوبارەیەوە ئەحمەد حەسەن، بەڕێوەبەری تەندروستیی چۆمان بە "ناس کورد"ی وت، "  ئەو هەواڵە دورە لە ڕاستییەوە و ڕووداوەکە کاتێک ڕوویداوە کە  بۆ مارەبڕینی کچێک ماڵی زاوا لە گوندی هامەڵتۆنەوە چونەتە گوندێکی تر و لەکاتی گەڕانەوەیان ئەو ڕووداوە ڕویداوە، بەڵام بوک و زاواکە لەو ئۆتۆمبێلەدا نەبوو و سەلامەتن."

 

ڕوونیشیکردەوە، "ئەو کچ و کوڕە ڕۆژی ئاهەنگی گواستنەوەیان نەبووە، بەڵکو تەنها مارەکردن بووە و کەسیشیان لە ئۆتۆمبێلەکەدا نەبوون  ئێستا هەریەکەیان لە ماڵی خۆیانن."

 

ئاماژەی بەوەشکرد، "لە ڕووداوەکەدا ژنێکی بەتەمەن و مناڵێکی ساوا برینداربوون و گەیەندراونەتە نەخۆشخانەی چۆمان و چارەسەری پێویستیان بۆ کراوە و باری تەندروستییان جێگیرە ."