گه‌ڕان

Shadow Shadow
سیاسه‌تی

وردەکاریى

جۆ بایدن سەگەکانی گەڕاندەوە بۆ کۆشکى سپى ’بەگازگرتن تۆمەتبار کرابوون’

2021.03.26 - 14:23
App store icon Play store icon Play store icon
جۆ بایدن سەگەکانی گەڕاندەوە بۆ کۆشکى سپى ’بەگازگرتن تۆمەتبار کرابوون’

ناس کورد-

کۆشکی سپی گەڕانەوەی (میجۆر و چامپ)ى سەگەکانى جۆ بایدنى بۆ کۆشکی سپى ڕاگەیاند، ئەوەش دوای ئەوەی لە ماوەی ڕابردودا بەهۆی گازگرتن لە پاسەوانێکی کۆشکی سپی دورخرانەوە بۆ ماڵی خێزانی بایدن، لەولایەتی دیلاوەر.

 

کەناڵی ناس کورد لە تێلیگرام جۆین بکە   

 

ماڵپەڕی "حوڕە"ی ئەمەریکی ( 26ی ئازاری 2021) لە هەواڵێکدا کە" ناس کورد" بەدواداچوونی بۆ کردووە بڵاوى کردەوە، جین ساکی، وتەبێژی کۆشکی سپی ڕایگەیاندووە "چامپ و مێجور یەکەم سەگی کۆشکی سپی لێرەن، هەفتەی ڕابردوو لە کامپ دەیڤدبوون لەگەڵ خێزانی سەرۆک، ڕۆژی یەکشەممە لەگەڵیان گەڕاونەتەوە بۆ کۆشکی سپی".

 

ئاماژە بەوەکراوە "بایدن بڕیاریداوە لەسەرەتای ئەم مانگەدا سەگەکانی بگەڕێنێتەوە بۆ ماڵی خێزانەکەی لەولایەتی دیلاوەر پاش ئەوەی گومانی هەڵسوکەوتی شەڕانگێزانەیان لێکراوە لەکۆشکی سپی".

 

ئەوەش دوای ئەوەی میجۆر تۆمەتبارکراوە بە گازگرتن لەپاسەوانێکی سەرۆکایەتی.

 

هاوکات ئەو هەژمارەی کە ناعۆمی بایدن، کچی سەرۆک کۆمار سەرپەرشتی دەکات بێبەری میجوری لە تاوانەکە دووپاتکردوەتەوە  و ئاماژەی بەوە کردووە" کە  ئەو ڕوشاندنەی کە میجۆر توشی پاسەوانەکەی کردووە بێ مەبەست بووە، بەڵکو ڕەفتاری ئاسایی بووە لەکاتی یاریکردن لەگەڵ سەگێکی بەئاست بەرز خاوەن وزە ".

 

کچ و هاوسەرەکەی جۆ بایدن، سەرۆکی ئەمەریکا، هەژماری کۆشکی سپی لەژێر ناوی" دۆگس تویتەر" بەکاردەهێنن بۆ ئەوەی ئەمەریکییەکان هان بدەن بۆ پارێزگاریکردن لە ئاژەڵان و لە هەمانکاتدا پەنا ببەن بۆ پەروەردەکردن و داڵدەدانی سەگ.