گه‌ڕان

Shadow Shadow
سیاسه‌تی

وردەکاریی

پەرلەمانتارێک: کێشەکانى کورد لەبودجەدا زۆرن و پێویستیان بەچارەسەرێکى قوڵ هەیە

2021.03.25 - 09:19
App store icon Play store icon Play store icon
پەرلەمانتارێک: کێشەکانى کورد لەبودجەدا زۆرن و پێویستیان بەچارەسەرێکى قوڵ هەیە

ناس کورد-

 

پەرلەمانتارێکى عێراق بەدوورى دەزانێت پڕۆژەى بودجە ڕۆژى شەممەى داهاتوو بەزۆرینەى دەنگ تێپەڕێنرێت، دەشڵێت، کێشەکانى کورد لەبودجەدا زۆرن و پێویستیان بەچارەسەرێکى قوڵ هەیە.

کەناڵی ناس کورد لە تێلیگرام جۆین بکە   

 

مەلحان مەکۆتر پەرلەمانتارى عێڕاق لەلێدوانێکیدا بۆ ڕۆژنامەى "سەباح" کە " ناس کورد " بەدواداچوونى بۆکردووە (25ى ئادارى 2021) ڕایگەیاندووە، شاندى کورد کە هاتنە بەغدا نەگەیشتنە هیچ ئەنجامێک لەبارەى پشکى هەرێم لەبودجە و تێپەڕاندنى ئەو بودجەیەش پێویستە چونکە هەمووان چاوەڕێ دەکەن بەتایبەتى هاوڵاتیان.

 

ئاماژەى بۆ ئەوەش کردووە، هەرێم داواکارى زۆرى لەبودجەدا هەیە، هەروەها ناکۆکیش لەسەر زیادبوونى بەرهەمهێنانى نەوتى هەرێم هەیە و ناکۆکیەکانیش زۆرن و گەر چارەسەرێکى خێرایى بۆ نەدۆزرێتەوە ئاڵۆزتر دەبن.

 

مەکۆتر بەدووریشى دەزانێت، بودجە بەزۆرینەى دەنگ تێپەڕێنرێت و دەشڵێت، بڕیار لەلاى سەرۆکایەتى پەرلەمانە کە زیاتر ڕاستەوخۆ پەیوەستن بەسەرۆکى فراکسیۆنەکانەوە، گەر سازانى لەسەر نەکرێت ئەوا بەزۆرینە تێناپەڕێنرێت و لەگەڵ ئەوەشدا قسە کردن لەسەر ئەوەش چى ڕوودەدات ئاسان نییە.

 

لاى خۆشیەوە، ئەحمەد سەلیم کەنانى سەرۆکى لیژنەى ئابوورى و وەبەرهێنان لەپەرلەمانى عێراق بەڕۆژنامەکەى ڕاگەیاندووە، لیژنەکەیان تێبینەکانى خۆى ڕەوانەى لیژنەى دارایى کردووە لەسەر بودجەى ساڵى 2021 کە قەرزەکان و گەرەنتیە سیادییەکان ڕابگیرێن چونکە ئەوە بارێکى قورسە بەسەر دەوڵەتەوە.

 

بڕیاربوو شەوى هەینى پڕۆژەى بودجە لەلایەن پەرلەمانى عێراقەوە بخرێتە دەنگدانەوە، بەڵام تێپەڕاندنى دواخرا بۆ رۆژى شەممە، دواتر ئەو وادەیەش دواخرا و چاوەڕوادەکرێت شەممەى داهاتوو بخرێتە دەنگدانەوە.