گه‌ڕان

Shadow Shadow
سیاسه‌تی

زانیارى زیاتر

وەزیرى تەندروستى ئەو بڕە ڤاکسینە ئاشکرا دەکات کە سبەینێ دەگاتە هەرێم 

2021.03.24 - 16:25
App store icon Play store icon Play store icon
وەزیرى تەندروستى ئەو بڕە ڤاکسینە ئاشکرا دەکات کە سبەینێ دەگاتە هەرێم 

ناس کورد- 

وەزیرى تەندروستى حکومەتى هەرێمى کوردستان ئاشکرایکرد، ڕۆژى پێنجشەممە 336 هەزار ڤاکسین دەگاتە عێراق و پشکى هەرێمى کوردستانیش 43 هەزارە، جەختلەوەشدەکاتەوە ژمارەى توشبووان و مردن بە کۆرۆنا 10% بەرزبووەتەوە.

 

کەناڵی ناس کورد لە تێلیگرام جۆین بکە   

 

سامان بەرزنجى (چوارشەممە، 24ى ئازارى 2021) بە ماڵپەڕى فەرمى پارتى دیموکراتى کوردستانى وتوە، ئەو 336 هەزار ڤاکسینەى دەگاتە عێراق جۆرى "ئەسترازینیکا"یە و لەلایەن دامەزراوەى "کۆڤاکس"ى نێوده‌وڵەتییەوە کڕدراوه‌.

 

رونیشیکردوەتەوە، ڤاکسینەکە بەریتانییە و لەڕووى ته‌ندروستییه‌وه‌ ڕێگه‌پێدراوه و له‌گه‌ڵ ڤاکسینى ''سینۆفارم''ى چینى جیاوازیەکى ئەوتۆیان نییە.

 

وەزیرى تەندروستى هەرێم باسى لەوەشکرد، لەو بڕە ڤاکسینە 43 هەزارى پشکى هەرێمى کوردستانە و بەپێى هەمان سیستمى پێشوو دابەش دەکرێت کە ستانداردێکە بۆ دابەشکردنى هەموو پێداویستیە پزیشکیەکان دانراوە.

 

سەبارەت بەو ڤاکسینەى پێشتر بەسەر کارمەندانى پزیشکیدا دابەشکرا ئاشکرایکرد، هیچ کێشه‌یه‌کیان نه‌بووه و‌ بە ڕێگە زانستییەکان به‌کارهێنراون.

 

هەرچى سەبارەت بە بارودۆخى پەتاى کۆرۆنایە لە هەرێمى کوردستان وتویەتى، ژمارەى توشبووان و گیانلەدەستدان بە کۆرۆنا بەرزبونەتەوە و بەپێى داتاکان 10% بەرزبونەوەیان بەخۆیانەوە بینیوە.