گه‌ڕان

Shadow Shadow
سیاسه‌تی

زانیاری زیاتر

ئاگادارییەک بۆ خوێندکاران لەبارەی دەستپێکردنەوەی دەوام

2021.03.23 - 22:19
App store icon Play store icon Play store icon
ئاگادارییەک بۆ خوێندکاران لەبارەی دەستپێکردنەوەی دەوام

 ناس کورد-

بەڕێوەبەرایەتی پەروەردەی دەوروبەری هەولێر ئاگاداری خوێندکارانی پۆلی 12 دەکاتەوە سبەینێ دەوامی ئاساییە و بۆ پۆلەکانی دیکەش چاوەڕوانی بریاری وەزارەتن.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتییەکە (سێشەممە 23ی ئازاری 2021) ڕایگەیاند، "ئاگاداری خوێندکارانی پۆلی 12 دەکەینەوە کە سبەینێ چوارشەممە دەوامی ئاساییە."

 

ئاماژەی بەوەشکردووە، دەستپێکردنەوەی دەوام لە سبەینێوە تەنها بۆ پۆلی 12ی ئامادەییە و بۆ پۆلەکانی تر چاوەروانی بریاری وەزارەت و لیژنەی باڵای ڕووبەڕووبوونەوەی کۆرۆنان.

 

زیاتر بخوێنەرەوە؛ تەندروستیی هەرێم: دۆخەکە وا دەخوازێت ڕاگرتنی خوێندن درێژبکرێتەوە

 

ئەوەش لەکاتێکدایە، لەچوارچێوەی ڕێکارەکانی بەرەنگاربوونەوەی کۆرۆنا جگە لە پۆلی 12ی ئامادەیی دەوامی خوێندن لەسەرجەم ناوەندەکانی دیکەی خوێندن ڕاگیراوە.

 

د. ڕەهێڵ فەرەیدون، بریکاری وەزارەتی تەندروستیی هەرێم (سێشەممە 23ی ئازاری 2021) بە "ناس کورد"ی ڕاگەیاند، "ڕۆژی پێنجشەممە وادەکە کۆتایی دێت، بەڵام پێنجشەممەش دەوام ناکرێت و لە چەند ڕۆژی داهاتووش لیژنەی باڵای ڕووبەڕووبوونەوەی کۆرۆنا کۆدەبێتەوە و بڕیاری نوێ لەبارەی پرۆسەی خوێندنەوە دەدات." 

 

وتیشی، "لەئێستادا ژمارەی توشبووانی ڕۆژانەی کۆرۆنا لەوکاتەی کە خوێندن ڕاگیرا ئەگەر زیاتر نەبێت کەمتر نییە، بۆیە بەگوێرەی هەڵسەنگاندنەکان پێشبینی دەکەم بۆماوەی هەفتەیەکی دیکە ڕاگرتنی دەوامی خوێندن درێژبکرێتەوە، تاوەکو بتوانین زیاتر چاودێری دۆخەکە بکەین."