گه‌ڕان

Shadow Shadow
سیاسه‌تی

زانیاری زیاتر

’’پارتی بە دوو مەرج ئامادەیە دوو کار بۆ سەدریەکان بکات’’

2021.03.23 - 16:24
App store icon Play store icon Play store icon
’’پارتی بە دوو مەرج ئامادەیە دوو کار بۆ سەدریەکان بکات’’

ناس کورد-

ئەندامێکی لیژنەی دارایی لە پەرلەمانی عێراق ڕایگەیاند، شاندی پارتی ئامادەییان نیشانداوە بە دوو مەرج دوو کار بۆ سەدریەکان بکەن، مەرجەکانیش ئەوەن کە بودجەیان بەبێ نەوت بۆ تێپەڕێنن و بۆ پرسی هەرێم تەنها گوێ لە بارزانی بگرن.  

کەناڵی ناس کورد لە تێلیگرام جۆین بکە   

 

هۆشیار عەبدوڵا، ئەندامی لیژنەی دارایی لە پەرلەمانی عێراق (سێشەممە 23ی ئازاری 2021) لە فەیسبوکی فەرمیی خۆی ڕایگەیاند، "شاندی پارتی بە سەدریەکانیان وتووە ئامادەین دوو کارتان بۆ بکەین بە دوو مەرج."

 

ڕوونیشیکردووەتەوە، "شاندی پارتی بە سەدریەکانیان وتووە، ئامادەین سەدر وەک تاکە مەرجەعی شیعە ببینین، هەروەها هاوکارتان دەبین بۆ هەڵبژاردنی پێش وەختە بە حەلی پەرلەمانیشەوە. "

 

ئەوەشی خستووەتەڕوو، لە بەرامبەر ئەوەدا پارتی دوو مەرجی بۆ سەدریەکانیان هەیە و داوایانکردووە، "بودجەمان بێ نەوت بۆ تێپەڕێنن، هەروەها بۆ پرسی هەرێم تەنها گوێ لە بارزانی بگرن."

 

ئەوەش لەکاتێکدایە ماوەی چەند مانگێکە شاندی پارتی دیموکراتی کوردستان چەند جارێک سەردانی بەغدای کردووە بۆ گفتوگۆکردن لەگەڵ لایەنەکانی عێراق لەبارەی هەڵبژاردنی پێشوەختەی عێراق و پڕۆژەیاسای بودجەی 2021ی عێراق.