گه‌ڕان

Shadow Shadow
سیاسه‌تی

فڕۆكە ئاڵتوونییەكەی ترەمپ ژەنگاوی دەبێت و بەبێ فڕین كەوتووە 

2021.03.22 - 20:30
App store icon Play store icon Play store icon
فڕۆكە ئاڵتوونییەكەی ترەمپ ژەنگاوی دەبێت و بەبێ فڕین كەوتووە 

ناس کورد-

 

تۆڕی CNN  ئەمەریكی ئاشكرایكرد فڕۆكە بە زێڕ ڕووپۆشكراوەكەی ترەمپ توانای فڕینی نەماوە و بەهۆی ژەنگ كردنەوە پێویستی بە ملیۆنێك دۆلار هەیە بۆ نۆژەنكردنەوە. 

کەناڵی ناس کورد لە تێلیگرام جۆین بکە   

 

بەپێی ڕاپۆرتێكى تۆڕەکە كە "ناس كورد" بەدواداچوونی بۆ كردووە (22 ئازاری 2021) باس لەوەكراوە فڕۆكەكەی ترەمپ (بۆینگ 757 ) كە لەفڕۆكەخانەی ستیوارت لەنزیك نیویۆرك كەوتووە، لە ڕۆژی هاتنەسەركاری بایدنەوە نەفڕیوە و ترەمپ ناچارە هۆكاری گەیاندنی هەرزانتر بەكاربهێنێت كە شۆی میدیایی لەگەڵ نییە. 

 

هەر گوێرەی ڕاپۆرتەكە سامانی ترەمپ دابەزیوە بۆ 700 ملیۆن دۆلار و باسی ئەوەش هەیە 400 ملیۆن دۆلار قەرزار بێت چونكە كۆرۆنا كاری زۆری كردووەتە سەر ئوتێلەكانی.

 

فڕۆكەكەی ترەمپ كە ڕووپۆشكرابوو بە زێڕ هێمای خۆهەڵكێشانی ترەمپ بووە، پشتێنی سەلامەتییەكەی 24 قیرات زێڕی پێوەبووە، هەروەها وەك نیشانەی سەركەوتنی بزنسی ترەمپ تەماشا دەكرا و لەوێنەكانیدا زوو زوو پیشانی دەدا و لە ساڵی 2010 بە 80 ملیۆن دۆلار كڕیویەتی. لە ناوەوەش ژووری نوستنی لەحەریری گرانبەها و تەختەی تایبەت و هۆڵی سینەمای تێدایە.