گه‌ڕان

Shadow Shadow
سیاسه‌تی

باسى بکوژى بەرازەکە دەکات

پۆلیسى دارستان: لەشوێنى کوشتنى بەرازەکەى دۆڵى خەلەکان دوو بەراز ڕزگارکران

2021.03.22 - 17:59
App store icon Play store icon Play store icon
پۆلیسى دارستان: لەشوێنى کوشتنى بەرازەکەى دۆڵى خەلەکان دوو بەراز ڕزگارکران

ناس کورد- هەڤاڵ فەتاح

 

پۆلیسی دارستانی سلێمانی ڕایگەیاند، تائێستا ناسنامەی ئەو هاوڵاتییە ئاشکرانەبووە کە لە دۆڵی خەلەکان بەرازێکی کوشت، دەشڵێت، تیمەکانیان هەر لەو شوێنەدا توانیویانە دوو بەرازی دیکە لە کوشتن ڕزگاربکەن. 

کەناڵی ناس کورد لە تێلیگرام جۆین بکە   

 

عەمید هێمن کەمەرخان وتەبێژی پۆلیسی دارستانی سلێمانی(22ی ئازاری 2021) لە لێدوانێکدا بۆ "ناس کورد" ڕایگەیاند "تائێستا ناسنامەی ئەو هاوڵاتییە ئاشکرا نەبووە کە دوێنێ لە دۆڵی خەلەکان لە یەکەم ڕۆژی نەورۆزدا بەرازێکی کوشت، گەڕان و کۆکردنەوەی زانیاریی دەربارەی ئەو کەسە بەردەوامە".

 

وتیشی "لە دوای ڕووداوەکە بە ماوەیەکی زۆر کەم تیمی پۆلیسی دارستان گەیشتوەتە شوێنەکە و توانیویەتی دووبەرازی دیکە لە کوشتن ڕزگاربکات، ئەو هاوڵاتییەشی کە بەرازەکەی کوشتبوو دەست بەجێ شوێنەکەی بە جێهێشتبوو لە ترسی لێپرسینەوە، هەرکات زانیاریی تەواو لەسەری بەردەست بووە بە دڵنیاییەوە دەستگیری دەکەين".    

 

دوێنێ(یەکشەممە،21ى ئازارى 2021) بەرازێک لە دۆڵی خەلەکان خۆیکرد بە نێو سەیرانگایەکدا، دواتر لەدوای تەقەکردنێکی زۆر بەرازەکە لەلایەن هاوڵاتییەکەوە کوژرا.

 

لەهەرێمی کوردستان کوشتنی ئاژەڵە کێویەکان سزای بۆ دانراوە ولە ناویشیاندا کوشتنی بەراز بەرامبەر بە پێبژاردنی 500 هەزار دینار دیاریکراوە.