گه‌ڕان

Shadow Shadow
سیاسه‌تی

وردەکاریى

هۆشدارییەک لە تەندروستى جیهانییەوە لەبارەى بڵاوبوونەوەى کۆرۆناوە 

2021.03.22 - 15:14
App store icon Play store icon Play store icon
هۆشدارییەک لە تەندروستى جیهانییەوە لەبارەى بڵاوبوونەوەى کۆرۆناوە 

ناس کورد-

ڕێکخراوى تەندروستى جیهانى ڕایدەگەیەنێت، بۆ پاراستنى خەڵکى لەڤایرۆسى کۆرۆنا بەردەوام دەبن لەهاریکارى و پلانیشیان بۆ خۆپارێزى هەیە لە یاد و بۆنەکانى حەج و یادى عاشورا و جامى عەرەب لەقەتەر و بۆنەکانى نەورۆز لەچەندین وڵات.

 

کەناڵی ناس کورد لە تێلیگرام جۆین بکە   

 

ئەحمەد مەنزەرى بەڕێوەبەرى نوسینگەى خۆرهەڵاتى ناوەڕاستى ڕێکخراوى تەندروستى جیهانى (22ى ئازارى 2021) لەڕاگەیەنراوێکدا کە وێنەیەکى دەست "ناس کورد" گەیشتووە ڕایگەیاند، گردبونەوەکانى خەڵک دەبێتە هۆى زیادبوونى ژمارەى توشبوان و بەوەش دەرفەتى دەرکەوتنى مەترسییەکان بۆ سەر تەندروستى گشتى.

 

ئاماژەى بۆ ئەوەش کرد، تەنانەت لەگەڵ دەستپێکردنى کوتینى ڤاکسینەکانیشدا ڕێکخراوەکەیان جەختى لەسەر ئەوە کردووەتەوە کە هێشتا پەتاکە وەکو قەیرانێکى تەندروستى ماوەتەوە و بۆیە هۆشدارى لەکۆبونەوەى خەڵکى داوە.

  

لەبەشێکى ترى ڕاگەیەنراوەکەدا باس لەوە کراوە بەبۆنەى هاتنى نەورۆزەوە لەوڵاتەکانى ئێران و ئەفغانستان و عێراق و پاکستان و سوریا چەندین بۆنە و ئاهەنگ و فێستیڤاڵ بەڕێوە دەچن و هەروەها پێشبینى گردبوونەوەى ملیۆنەها خەڵکى لەسەرتاسەرى جیهانەوە دەکرێت بەتایبەت لەوڵاتانى سعودیە و پێشانگاى دوبەى و جامى عەرەب لەقەتەر و سەربارى گردبونەوە بۆ یادەکانى عاشورا لەنەجەف و کەربەلاى عێراق.

 

جەخت لەسەر ئەوەش کراوەتەوە، وەکو ڕێکخراوەکەیان بەردەوام دەبن لەگەیاندنى هاریکارى و هەروەها هەڵسەنگاندنى مەترسییە تەندروستیەکان سەربارى داڕشتنى پلانێک بۆ پاراستنى سەرجەم دانیشتوان و بەشداربووانى ئەو بۆنانە بۆ ئەوەى کەمترین زیانى لێبکەوێتەوە و بەرەنگارى تەشەنەسەندنى پەتاکەش ببنەوە.