گه‌ڕان

Shadow Shadow
سیاسه‌تی

ئەی چەند کەس؟

ئاماری گەشتیار و سەیرانکارانی دوێنێی دووکان ئاشكراکرا.. ’’27 هەزار ئۆتۆمبێل’’

2021.03.22 - 10:31
App store icon Play store icon Play store icon
ئاماری گەشتیار و سەیرانکارانی دوێنێی دووکان ئاشكراکرا.. ’’27 هەزار ئۆتۆمبێل’’

ناس کورد-

لە یەکەم رۆژی سەری ساڵی کوردی-دا بەشێکی زۆر لە هاووڵاتیان و گەشتیاران ڕوویان لە سەیرانگاکانی هەرێمی کوردستان کرد و بەگوێرەی ئامارەکان، زیاتر لە 80 هەزار هاووڵاتی و گەشتیار بەنزیکەی 27 هەزار ئۆتۆمبێل چوونەتە سنوری قەزای دووکان.

کەناڵی ناس کورد لە تێلیگرام جۆین بکە   

 

ڕێژین ڕەوف، بەڕێوەبەری گەشتوگوزاری دووکان (دووشەممە 22ی ئازاری 2021) بە "ناس کورد"ی ڕاگەیاند، "بەگوێرەی ئامارە نافەرمییەکانمان تەنها دوێنێ یەکشەممە 21ی ئازار، نزیکەی 27 هەزار ئۆتۆمبێل هاتوونەتە ناوچە گەشتیارییەکانی سنوری قەزای دووکان."

 

وتیشی، "هەروەها تەنها دوێنێ نزیکەی 81 هەزار هاووڵاتی و گەشتیار هاتوونەتە دوکان و چاوەڕێ دەکەین ئەمڕۆش ژمارەیەکی زۆر هاووڵاتی بێنە سەیرانگەکانی سنورەکە."

 

هاوکات دەربارەی گرانبوونی نرخی کەپر و کابینەکان، بەڕێوەبەری گەشتوگوزاری دوکان ئاماژەی بەوەکرد، "دوێنێ لیژنەکانی قائیمقامییەتی قەزای دوکان گەڕاون و داوایان کردووە هەر هاووڵاتییەک سکاڵای لە هەر شتێک هەیە پێیان بڵیت بۆ ئەوەی سەرپێچیکاران سزا بدەن، بۆیە هەرکەسێک سکاڵای لەوبارەیەوە هەیە قائیمقامییەت ئاگادار بکاتەوە، نەک تەنها قسە بکات و سکاڵا نەکات."