گه‌ڕان

Shadow Shadow
سیاسه‌تی

وردەکاریى

وردەکاریى ڕێککەوتنەکەى چین و عێراق لەسەر زارى ڕاوێژکارێکى کازمى

2021.03.22 - 10:23
App store icon Play store icon Play store icon
وردەکاریى ڕێککەوتنەکەى چین و عێراق لەسەر زارى ڕاوێژکارێکى کازمى

ناس کورد- 

ڕاوێژکارێکى دارایى سەرۆک وەزیرانى عێراق جەخت لەوە دەکاتەوە، لەدواى تێپەڕینى بودجەى 2021 ەوە دەستدەکرێت بەجێبەجێکردنى ڕێککەوتنى چین و عێراق.

 

کەناڵی ناس کورد لە تێلیگرام جۆین بکە   

 

مەزهەر محەمەد ساڵح، ڕاوێژکارى دارایى سەرۆک وەزیرانى عێراق (22ى ئادارى 2021) لەلێدوانێکیدا بۆ ئاژانسى هەواڵى عێراق کە "ناس کورد" بەدواداچوونى بۆ کردووە ڕایگەیاند، لەبودجەى ساڵى 2021 پارە تەرخانکراوە و ئاماژەى پێکراوە بۆ ڕێککەوتنى عێراق و چین.

 

ئاماژەى بۆ ئەوەش کرد، ئەگەر یاساکە تێپەڕى ئەوا لەڕووى کردارییەوە دەتوانرێت ڕێککەوتنەکە جێبەجێ بکرێت ئەوەش بەدەستپێکردنى ئەو پڕۆژانەى کە دەبێت لایەنى چینى لەسەر خواستى عێراق جێبەجێیان بکات.

 

بەوتەى ئەو ڕاوێژکارەى مستەفا کازمى، بایەخى لەپێشینە لەو ڕێککەوتنەدا بۆ پڕۆژە وەبەرهێنانەکانە لە دروستکردنى باڵەخانە و ئاوەدانکردنەوە.

 

لەسەردەمى کابینەکەى عادل عەبدولمەهدیدا، کۆمەڵێک ڕێککەوتنى ئابورى و بازرگانى لەگەڵ وڵاتى چیندا واژۆ کرا بەڵام بەهۆى ڕودانى چەند گۆڕانکارییەکى سیاسى و ئابورى و پەتاى کۆرۆناوە بەربەست بۆ جێبەجێکردنى دروستکرا.