گه‌ڕان

Shadow Shadow
سیاسه‌تی

وردەکاریى

بزوتنەوەی ئیسلامی لەبارەی هێرشی زەردەشتییەك بۆ سەر سەلاحەدین داوایەكی هەیە

2021.03.21 - 22:16
App store icon Play store icon Play store icon
بزوتنەوەی ئیسلامی لەبارەی هێرشی زەردەشتییەك بۆ سەر سەلاحەدین داوایەكی هەیە

ناس کورد-

وتەبێژى بزوتنەوەى ئیسلامى لەبارەى هێرشى زەردەشتییەک بۆ سەر سەڵاحەدینى ئەیوبى داوا لە لایەنە پەیوەندیدارەکان دەکات لەسەر ئەو سوکایەتییەى لێپرسینەوەى لەگەڵ بکرێت.

 

کەناڵی ناس کورد لە تێلیگرام جۆین بکە   

 

د.عەبدوڵا وەرتێ، وتەبێژى بزوتنەوەى ئیسلامى کوردستان (21ى ئازارى 2021) لەمیانەى راگەیەندراوێکدا کە لەهەژمارى خۆى لە فەیسبوک بڵاوى کردۆتەوە و "ناس کورد" بەدواداچوونى بۆ کردەوە رایگەیاند "بەداخەوە کەسێك بەجل وبەرگی کوردی و بەزمانی ڕاشکاووو وڕۆژی ڕوناک بێشەرمانە سوکایەتی بەئایینی پیرۆزی ئیسلام دەکات و ئەوپەڕی بێڕێزی وتەوهین دەکات بەسەرکردەی مێژووی ئیسلام وگەلی کورد سەڵاح الدینی ئەیووبی".

 

دەشڵێت "پێم وایە ئەو کەسە تاوانێکی گەورەی کردووە و پێویستە لایەنە پەیوەندیدارەکان لێپرسینەوە و  سزای توندی بدەن و موسوڵمانان لەئاستیدا بێدەنگ نەبن و لەهەر کوێیەک بێت سزای یاسایی وەرگرێت".

 

پیر لوقمان کەریم کە خۆی بە پیرشالیار زەردەشتییەکان دەناسێنێت سوکایەتی بە سەڵاحەدینی ئەیوبی دەکات و دەڵێت، "وێنەیەکیم داناوە و هەموو ڕۆژێک سێ تفی لێ دەکەین." 

 

پیر لوقمان کەریم لە ڕاستەوخۆیەکیدا لە فەیسبوک لەبارەى مێژووی نەورۆز قسە دەکات و دەڵێت، کورد تاوەکو هاتنی ئاینی ئیسلامی ئاگری کردووەتەوە، بەڵام لەدوای هاتنی ئیسلامی سەرکردە موسڵمانەکان ئاگرکردنەوەى نەورۆزیان قەدەغە کردووە. 

 

پیر لوقمان لە قسەکانیدا زۆر بە توندی هێرش دەکاتە سەر سەرکردەی کورد و موسڵمانان سەڵاحەدین ئەیوبی و بە "خیانەتکار" ناوی دەبات و دەڵێت، "وێنەیەکی سەڵاحەدینی ئەیوبیمان داناوە و هەموو بەیانییەک سێ تفی تێ دەکەین، ئەمەش خوڕەوشی زەردەشتیانە." 

 

پیر لوقمان سەڵاحەدینی ئەیوبی تۆمەتبار دەکات بە "قەتڵ و عامکردنی" شوێنکەوتووانی زەردەشتی لە ناوچە جیاوازەکانی کوردستان.   

 

بەپێی ماڵپەڕی کوردپێدیا، پیر لوقمان لەساڵی 2015 بۆ یەکەم جار و پاش 1437 ساڵ دابڕانی کورد لە ئاینی زەردەشتی لە کوردستان، دەستی بەبانگەشەی ئاینەکەى کردووە و ناوەندی زەردەشتیانی دامەزراندووە و خۆیشی وەک ڕێبەری ئاینی زەردەشتی و وەک سەرۆکی ناوەندی زەردەشتیان لەژێر ناوی پیر لوقماندا لەناو زەمینەی کوردەواریدا ناسێندرا.